މިރޭ 11 އަށް މަޖިލިސް ޖަލްސާގެ ވަގުތު އިތުރުކޮށްފި
2025 ވަނަ އަހަރަށް ލަފާކުރާ ދައުލަތުގެ ބަޖެޓާއި ގުޅިގެން ބަހުސް ކުރުމުގެ ފުރުސަތަށް އެދިލައްވާފައިތިއްބެވި ހުރިހާ މެމްބަރުންނަށް، އެ ފުރުސަތު ދެއްވުމުގެ ގޮތުން މިއަދާއި މާދަމާގެ މަޖިލީހުގެ ވަގުތު އިތުރުކުރަން ނިންމައިފި އެވެ.
މިއަދުގެ ޖަލްސާގައި ވަނީ، ބަޖެޓަށް ބަހުސްކުރުމަށް މެމްބަރުންނަށް ފުރުސަތު އެރުވުމުގެ ގޮތުން މިއަދުގެ ޖަލްސާ މިރޭ 11 ޖެހުމާއި ހަމައަށް ދަންމާލުމަށާއި، މާދަމާގެ ޖަލްސާގައި ބަހުސް ކުރަން ތިއްބެވި މެމްބަރުންގެ ބަހުސް ނިމެންދެން ޖަލްސާގެ ވަގުތު އިތުުރުކުރުމަށް ރިޔާސަތުން ނިންމާ، ވޯޓަށް އައްސަވާފަ އެވެ.
މަޖިލީހުގެ ވަގުތު އިތުރުކުރުމަށް ފާސްކޮށްފައިވަނީ، ހާޒިރުވެ ތިއްބެވި 53 މެމްބަރުންގެތެރެއިން، ވޯޓުގައި ބައިވެރިވެލެއްވި 52 މެމްބަރުންގެ ވޯޓާއެކު އެވެ.
ބަޖެޓުގެ ބަހުސްގައި މިހާތަނަށް ވާހަކަ ދައްކާފައިވަނީ ޖުމުލަ 6 މެމްބަރުންނެވެ.
