Tuesday, 17 November 2026
Advertisement
STO — McCoy (leaderboard)
ސަރުކާރު

ސްކީމުގެ ދަށުން އެއްވެސް ބޭހެއް ކަވަރުކުރުން ހުއްޓައެއް ނުލަން: އާސަންދަ

ސްކީމުގެ ދަށުން އެއްވެސް ބޭހެއް ކަވަރުކުރުން ހުއްޓައެއް ނުލަން: އާސަންދަ

އާސަންދަ ސްކީމުގެ ދަށުން އެއްވެސް ބޭހެއް ކަވަރުކުރުން ހުއްޓާ ނުލާ ކަމަށް އާސަންދަ ކުންފުނިން ބުނެފި އެވެ.

އާސަންދަ ސްކީމުން ކަވަރުނުކުރާ ހިދުމަތްތަކާ ގުޅިގެން ދޭ ބޭހެއް ނަމަ ބޭސް ސިޓީގައި ލިޔެފައި އޮންނާނެ ކަމަށް ވެސް އެ ކުންފުނިން ބުނެ އެވެ. އަދި އެ ސްކީމުން ކަވަރުކުރާ ބޭހެެއް، ސްކީމުގެ ދަށުން ހިދުމަތް ފޯރުކޮށްދޭ ބޭސް ފިހާރައަކުން ގަންނަން ޖެހިއްޖެނަމަ ޝިކާވަތި ޗެޓްލައިން، 7951400 އަށް ވައިބާ ނުވަތަ ވަޓްސްއެޕްއިން މެސެޖުކުރުމަށް ވަނީ އިލްތިމާސްކޮށްފަ އެވެ.

އާސަންދައިން ރޭ "އެކްސް" ގައި ކުރި ޕޯސްޓެއްގައި ބުނީ އާސަންދަ ސްކީމުގެ ދަށުން އެއްވެސް ބޭހެއް ކަވަރުކުރުން ހުއްޓާލާފައި ނުވާ ކަަމަށެވެ. ކުރިއެކޭ އެއްގޮތަށް މިހާރު ވެސް ސްކީމުގެ ދަށުން ބޭހަށް ކަވަރޭޖް ލިބޭނެ ކަމަށެވެ.

Advertisement
Allied — Dhen Online (box)

އާސަންދަ ސްކީމުން ކަވަރުކުރާ ބޭސްތަކާއި ބޭސްތަކަށް ކަވަރޭޖް ލިބޭ މިންވަރު <a href="https://aasandha.mv/dv/downloads/latest-downloads">އެ ކުންފުނީގެ ވެބްސައިޓުގައި</a> އާއްމުކޮށްފައިވެ އެވެ.

އާސަންދަ ސްކީމަށް ބޭސް ފިހާރަތަކުން މަކަރު ހެދުމުގެ މައްސަލަތައް މީގެކުރިން ފެންމަތިވެފައިވާއިރު އެފަދަ ބޭސް ފިހާރަތަކަށް އާސަންދަ ކަނޑާލައިފައި ވެސް އެބަ ހުއްޓެވެ.

ބޭސް ސިޓީއަށް މަކަރު ހެދުމުގެ މައްސަލަ ހައްލުކުރުމުގެ ގޮތުން އާސަންދަ ސްކީމުގެ ދަށުން ބޭސް ދޫކުރާއިރު ބޭހާ ހަވާލުވާ ފަރާތުގެ ފޯނަށް ޑިސްޕެންސް ކޯޑު ފޮނުވަން މިދިޔަ މަހު އަލުން ވަނީ ފަށާފަ އެވެ.

ސްކީމުގެ ދަށުން އެންމެ ގިނައިން ދޫކުރާ 250 ބޭހުގެ އަަގު ސަރުކާރުން ވަނީ ހެޔޮކޮށްފަ އެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.