މަސް ދޯންޏެއްގައި ހުރި މީހެއްގެ ލޮލަށް ބުޅިއެއް ހެރިއްޖެ

މަސްދޯންޏެއްގައި މަހަށް ގޮސް އުޅުނު ދިވެއްސެއްގެ ލޮލަށް ބުޅިއެއް ހެރި، އެމްއެންޑީއެފުން ހަރަކާތްތެރިވާން ފަށައިފިިއެވެ.

Ads by STELCO

“ޢަޒުމު” ނަމަކަށް ކިޔާ ބޯޓުގައި މަހަށް ނުކުތް އުޅުނު 40 އަހަރުގެ މި މީހާގެ ލޮލަށް ބުޅި ހެރިފައި ވަނީ ކ، ދިއްފުށީ ކަނޑުފަތީގެ އިރުން 26 ނޯޓިކަލް މޭލު ބޭރުން ކަމަށް އެމްއެންޑީއެފަށް ވަނީ މައުލޫމާތު ލިބިފައެވެ.

މިހާރު މި މީހާގެ ސިއްހީ އަވަސް ފަރުވާ ދިނުމަށްޓަކައި އެމްއެންޑީއެފްގެ ކޯސްޓު ގާޑުން މަސައްކަތް ކުރަމުން ދާ ކަމަށް އެމްއެންޑީއެފުން ވަނީ މައުލޫމާތު ދީފައެވެ.

މިއަދު މިމީހާގެ ލޮލަށް ބުޅި ހެރިފައި ވާއިރު އިއްޔެ ވެސް އުމުރުން ދުވަސްވީ މީހެއްގެ ލޮލަށް ބުޅި އެއް ހެރިގެން އެމްއެންޑީއެފުން ހަރަކާތްތެރި ވެފައި ވެއެވެ. އަދި އިއްޔެ ބުޅި ހެރުނު މީހާގެ ހާލު މިހާރު ރަނގަޅު ކަމަށް ވެސް އެމްއެންޑީއެފުން މައުލޫމާތު ދެއެވެ.