ޔުނާން އާއި ރިހޫ ޝަރީޢަތް ނިމެންދެން ބަންދު ކުރަން އަމުރު ކޮށްފި
ކުޑަކުއްޖަކަށް ޖިންސީ ގޯނާ ކުރި ކަމުގެ ތުހުމަތު އުފުލިފައިވާ ފިލްމީތަރި މުޙައްމަދު ޔުނާން އާއި އޭނަގެ އަންހެނުން ފާތިމަތު ރިހުލާ ޝަރީޢަތް ނިމެންދެން ބަންދުގައި ބަަހައްޓަން އަމުރު ކޮށްފިއެވެ.
ހުޅުމާލޭގައި އުމުރުން 15 އަހަރުގެ ފިރިހެން ކުއްޖަކާއެކު ގަދަކަމުން ބަދުއަޚްލާޤީ ގުޅުން ހިންގި ކަމުގެ ތުހުމަތުގައި ޔުނާން އާއި ރިހޫ ފުލުހުން ހައްޔަރު ކުރީ މިހިނގާ އޮކްޓޯބަރު މަހުގެ 4 ވަނަ ދުވަހުގެ ރެއެވެ.
ޔުނާން އާއި ރިހޫގެ މައްޗަށް ތުހުމަތު ކޮށްފައިވަނީ، ޔުނާންގެ އާއިލާ ދެ މީހެއްގެ ދެ ކުދިންނަށް ޖިންސީ ގޯނާ ކުރިކަމަށެވެ. މިމައްސަލަ އާއިލާގެ ފަރާތުން ވަނީ 3 އޮކްޓޯބަރ ވީ ބުރާސްފަތި ދުވަހުގެ 16:00 ހާއިރު ފުލުހުންނަށް ހުށަހަޅާފައެވެ.
އޭގެ އަނެއް ދުވަހުގެ ހަވީރުގެ ވަގުތެއްގައި، އެދެމީހުން ހައްޔަރު ކުރުމަށް ގޮވާލާ ބަޔަކު ވަނީ އެމީހުން ދިރިއުޅޭ ގެ ކައިރިއަށް އެއްވެފައެވެ. އެދުވަހު 18:20 ހާއިރު ފުލުހުން އެމީހުންނަށް ހިމާޔަތް ދިން ނަމަވެސް އެރޭ 23:40 ހާއިރު ފުލުހުން ވަނީ އެދެމަފިރިން ހައްޔަރު ކޮށްފައެވެ.
ޔުނާން އާއި ރިހޫ ގެ ބަންދަށް ކްރިމިނަލް ކޯޓުން ފުރަތަމަ ދީފައިވަނީ ހަތް ދުވަހުގެ ބަންދުގެ މުއްދަތެކެވެ.
ނަމަވެސް މިއަދު ފުލުހުންގެ މީޑިއާ އޮފިޝަލަކު ވިދާޅުވެފައިވަނީ މިމައްސަލައިގައި ހައްޔަރު ކޮށްފައިވާ ދެމީހުން ޝަރީޢަތް ނިމެންދެން ބަންދުގައި ބޭތިއްބުމަށް މިމަހުގެ 12 ވަނަ ދުވަހު ކޯޓުން އަމުރު ކޮށްފައިވާ ކަމަށެވެ.
Ads by STO
