ކޮވިޑުން ރައްކާތެރިވާން މޯދީ ވެކްސިން ޖަހައިފި

އިންޑިއާގެ ބޮޑު ވަޒީރު ނަރެންދްރަ މޯދީ ކޮވިޑް-19 އިން ރައްކާތެރިވުމުގެ ވެކްސިންގެ ފުރަތަމަ ޑޯޒް ޖަހައިފިއެވެ. މޯދީ ވެކްސިން ޖެހީ ނިއު ދިއްލީގައި ހުންނަ އޯލް އިންޑިއާ އިންސްޓިޓިއުޓް އޮފް މެޑިކަލް ސައިންސް ގައެވެ.

Ads by Sosun Fihaara

ވެކްސިން ޖެހުމަށް ފަހު ޓްވިޓާ މެދުވެރިކޮށް މޯދީ ބުނީ ދުނިޔެއިން ކޮވިޑް ނައްތާލަން ކުރާ މަސައްކަތްތަކުގައި ޑޮކްޓަރުންނާއި ސައިންސްވެރިން އަވަދިނެތި ކުރައްވާ މަސައްކަތްތައް ފާހަގަކުރާ ކަމަށެވެ.

އިންޑިއާ ގައި މިއަދު ވަނީ 60 އަހަރުން މަތީ އުމުރުފުރާ އާއި 45 އަހަރާ 59 އަހަރުގެ އުމުރު ފުރާއަށް މިއަދު ވެކްސިން ދޭން ފަށާފައެވެ.

ކޮވިޑް-19 އަށް ދެވަނައަށް އެންމެ ގިނަ މީހުން ފައްސިވީ އިންޑިއާގައި ފާއިތުވީ ދެ މަހެއްހާ ދުވަސްތައް ވެފައިވަނީ ކޮވިޑް ކޭސްތައް މަދު ދުވަސް ކޮޅަކަށެވެ.