ދައުލަތާއި ދައުލަތް ހިއްސާވާ ކުންފުނިތަކުގެ އިސް މަގާމުތަކުގައި އަންހެނުން އިތުރުކުރުމުގެ މަސައްކަތް ފެށުން

ސިފައިންނާއި ފުލުހުންގެ ފުލެޓުތަކުގެ ކުލި ދެއްކުން 1 އަހަރަށް ފަސްކޮށްދިނުން

އައިވީއެފް ޓްރީޓްމަންޓް' ހިމެނޭހެން ދަރިމައިވުމާގުޅޭ ފަރުވާގެ ޚިދުމަތްތައް، އާސަންދަ މެދުވެރިކޮށް ލިބޭނެ އިންތިޒާމު ހަމަޖައްސައިދިނުން

ބޭރު ޤައުމުތަކުގައި ހޮސްޕިޓާ ބަދަލުކުރަން ނަގާ ފީ، އާސަންދަ މެދުވެރިކޮށް ހަމަޖައްސައިދިނުން

ދިވެހި ކޮންމެ ރައްޔިތަކަށް އާސަންދައިގެ ދަށުން އަހަރަކު 2 ފަހަރު މެޑިކަލް ޗެކަޕް ހެދުމުގެ މަގުފަހިކޮށްދިނުމަށް ޚާއްޞަ ސިޔާސަތެއް އެކުލަވާލައި ތަންފީޒުކުރަން ފެށުން

ތެލަސީމިއާ ޕޭޝަންޓުންނަށް މިހާރު ދެވޭ ޚިދުމަތްތައް ހަރުދަނާކޮށް ފުޅާކުރުމުގެ އިތުރަށް، ހިލޭ ބޯންމެރޯ ޓްރާންސްޕްލާންޓް ހެދޭނެ މަގުފަހިކޮށްދިނުން

ޕާކުކުރާނެ ތަނެއް ނުދައްކައި ސްޓިކާ ނުޖަހާނެކަމަށް ނިމިދިޔަ ސަރުކާރުން ވެފައިވާ ވަޢުދާ ޚިލާފަށް ކުރި ހުރިހާ ޕާކިން ޖޫރިމަނާތައް މާފުކުރުން

5އަހަރުގެ ޒަޢާމަތުގައި، 1000 ފަޤީރުންނަށް ހިލޭ ހައްޖަށް ދެވޭނެ ފުރުސަތު ފަހިކޮށްދިނުމާގުޅޭ ޚާއްޞަ ސިޔާސަތު އެކުލަވާލައި އިޢުލާނުކުރުން

ޒުވާނުންނާ ގުޅޭ ކަންކަމުގައި ރައީސުލްޖުމްހޫރިއްޔާއަށް ލަފާ އެރުވުމަށާއި ސަރުކާރުގެ ސިޔާސަތުތައް އެކަށައެޅުމުގައި ޒުވާނުންގެ ވިސްނުމާއި އުންމީދުތައް ހިމެނުމަށް ޓަކައި 'ްޕރެސިޑެންޝަލް ޔޫތު އެޑްވައިޒަރސް'ގެ ބޯޑެއް ތަޢާރަފުކުރުން

ރައްޔިތުންގެ މަޖިލީހުގައި އަންހެނުންގެ ބައިވެރިވުން އިތުރުކުރުމަށް ކަމާ ގުޅުންހުރި އެކި ފަރާތްތަކާއެކު މަސައްކަތް ފެށުން

ފަތުރުވެރިކަމުގެ ދާއިރާގައި ވަޒީފާ އަދާކުރާ އަންހެން މުވައްޒަފުން އިތުރުކުރުމަށް، ޚާއްޞަ ޕްރޮގްރާމެއް ހިންގަންފެށުން

އަންހެނުން އުފައްދާ އުފެއްދުންތައް ވިއްކުމަށް ޚާއްޞަ ސަރަހައްދެއް ހުޅުމާލޭގައި ކަނޑައަޅައި، ވިޔަފާރި ކުރުމަށް ފަސޭހަ އިންތިޒާމުތަކެއް ހަމަޖައްސައިދިނުން

ފަންނިއްޔާތުގައި އަންހެނުންގެ ދައުރު ފުޅާކުރުމަށް ޤައުމީ ހަރަކާތެއް ހިންގަން ފެށުން

ދައުލަތުގެ އިދާރާތަކާއި އަމިއްލަ ވިޔަފާރިތަކާއި ކުންފުނިތަކުގައި މިންތީގެ ހަމަހަކަމަށް ބާރުއެޅުމުގެގޮތުން، ޤައުމީ ފެންވަރުގައި "ހަމަހަމަކަން ކަށަވަރު" ނިޝާން ތަޢާރަފުކުރުން

އޮންލައިން ޕޭމަންޓް ޕްލެޓްފޯމް'ތައް މެދުވެރިކޮށް ފައިސާ ފޮނުވުމާއި ލިބިގަތުމަށް ހުރި ހުރަސްތަކަށް ޤާނޫނީ ޙައްލު ހޯދައިދިނުމުގެ މަސައްކަތް ފެށުން

އީކޮމަރސް ޕްލެޓްފޯމް'ތަކުގައި ދިވެހީންނަށް ވިޔަފާރި ކުރެވޭނެގޮތް ހަމަޖައްސައިދިނުމުގެ މަސައްކަތް ފެށުން

އޮން-ޑިމާންޑް ވަރކްފޯސް' ނުވަތަ 'ފްރީލާންސިންގ ޕްލެޓްފޯމް'ތަކުގައި ދިވެހި ޒުވާނުންނަށް ފުރުސަތު ތަނަވަސްކޮށްދީ އާމްދަނީ ލިބޭނެގޮތް ހަމަޖައްސައިދިނުމުގެ މަސައްކަތް ފެށުން

ކުޅިވަރުގެ ވަސީލަތްތައް ރަށްރަށުގައި ފުރިހަމަކުރުމުގެ ޕްރޮގްރާމެއް ފެށުން

އެންޑޮމެޓްރިއޯސިސް' އަދި 'ޕީސީއޯއެސް' ފަދަ އަންހެނުންނަށް ދިމާވާ ޞިއްޙީ މައްސަލަތަކަށް ޚާއްޞަ ފަރުވާ، އާސަންދަ މެދުވެރިކޮށް ލިބޭނެ އިންތިޒާމު ހަމަޖައްސައިދިނުން

ޚާއްޞަ އެހީއަށް ބޭނުންވާ ފަރާތްތަކަށް ވަޒީފާދިނުމުގެ ސިޔާސަތު އެކުލަވާލައި ތަންފީޒުކުރަން ފެށުން

އަންހެނުންނާއި ޒުވާން ވިޔަފާރިވެރިންނަށް މަސްވެރިކަމުގެ އުފެއްދުންތައް ވިއްކޭނެ ޚާއްޞަ އޮންލައިން ޕްލެޓްފޯމެއް އުފެއްދުން

އަންހެން މުވައްޒަފުންނަށް ރައްކާތެރި، ޤަދަރުވެރި އަދި ހަމަހަމަ މަސައްކަތުގެ މާޙައުލެއް ކަށަވަރުކޮށްދިނުމަށް ޓަކައި ޤާނޫނީ އޮނިގަނޑަށް އިޞްލާޙު ހުށަހެޅުން

ރާއްޖޭގައި ހައްދާ ބާވަތްތައް މާކެޓުކޮށް ގަނެ ވިއްކުމަށް ޚާއްޞަ ނިޒާމެއް ޤާއިމުކުރުމާއި، އެ ނިޒާމުގެ ތެރެއިން އަންހެނުންނަށް ޚާއްޞަ ފުރުސަތުތަކެއް ފަހިކޮށްދިނުން

ދިވެހި އުފެއްދުންތެރިންނާއި ހުނަރުވެރިންގެ ފިކުރީ މުދާ ޙިމާޔަތްކުރުމުގެ ގޮތުން ޤާނޫނު ނަންބަރު 2010/23 (ކޮޕީރައިޓާއި އެއާގުޅޭ އެހެނިހެން ޙައްޤުތަކުގެ ޤާނޫނު)އަށް ގެންނަންޖެހޭ އިޞްލާޙުތައް އެކުލެވޭ ބިލެއް ޑްރާފްޓްކޮށް ރައްޔިތުންގެ މަޖިލީހަށް ފޮނުވުން

ކޯޑިންގެ ދާއިރާއިން ދުނިޔޭގެ ބާޒާރުގައި ދިވެހި ޒުވާނުން ކުރިޔަށް ދިއުމަށް ބޭނުންވާ ހުނަރު ތަރައްޤީކޮށްދީ ފުރުސަތުތައް ތަނަވަސްކޮށްދިނުމަށް، ޚާއްޞަ ޕްލޭނެއް އެކުލަވާލުން

ފުޓްސަލް ދަނޑުތަކާއި، އެ ކަމަ ްށ ބޭނުންވާ އިތުރު ވަސީލަތްތައް ެއކުލެވޭ ގޮތަށް ފަރުމާކޮށްގެން، މާލެ ސަރަހައްދުގައި 'ފުޓްސަލް ކޮމްޕްލެކްސް'އެއް ޢިމާރާތްކުރުމަށް ބޭނުންވާ މަސައްކަތްތައް ފެށުން

ނެޓްބޯލް ދަނޑުތަކާއި، އެކަމަށް ބޭނުންވާ އިތުރު ވަސީލަތްތައް އެކުލެވޭ ގޮތަށް ފަރުމާކޮށްގެން، މާލެ ސަރަހައްދުގައި 'ނެޓްބޯލް ކޮމްޕްލެކްސް'އެއް ޢިމާރާތް ކުރުމަށް ބޭނުންވާ މަސައްކަތްތައް ފެށުން 

ކުރީގެ ޤައުމީ އެތުލީޓުންގެ މައްޗަށް އެކުލެވޭ 'ނެޝަނަލް ސްޕޯޓްސް ވެޓަރަން އެމްބެސެޑަރސް'ގެ ދަފްތަރެއް އެކުލަވާލުމުގެ ގޮތުން، ދަފްތަރުގައި ރަޖިސްޓަރީވުމުގެ ފުރުސަތު ހުޅުވާލުން

ކުޅިވަރާއި ކަސްރަތުގެ ދާއިރާގައި ހަރަކާތްތެރިވާ އެންމެހާ ފަރާތްތަކާއި ކުލަބު ޖަމުޢިއްޔާތަކާއި ޤައުމީ ކުޅިވަރު އެސޯޝިއޭޝަންތަކަށް ޚާއްޞަ ޕޯޓަލެއް 'ފިޓް މޯލްޑިވްސް'ގެ ނަމުގައި ޤާއިމުކުރުން

ޤައުމީ އަދި ބައިނަލްއަޤްވާމީ ކުޅިވަރުގެ މުބާރާތްތައް ބާއްވާ ސްޓޭޑިޔަމުތަކުގައި ހުރުން ލާޒިމު ޞިއްޙީ ޚިދުމަތްތަކާބެހޭ މިންގަނޑުތައް އެކުލަވާލުން

މޮޅެތި އެތުލީޓުން އުފެއްދުމާބެހޭ ދިގު ރާސްތާގެ ޕްރޮގްރާމެއް ފަރުމާކުރުން

އެއަރ އެމްބިއުލާންސް ތަޢާރަފުކުރުމުގެ މަސައްކަތް ފެށުން

ދިވެހިރާއްޖޭގައި މީހުން އާބާދުވެފައިވާ ކޮންމެ ރަށެއްގައި، ޞިއްޙީ ފަރުވާޔަށް ބޭނުންވާ ލެބޯޓަރީގެ ޚިދުމަތް ފުޅާކުރުމުގެ މަޝްރޫޢެއްގެ ތާވަލު އެކުލަވާލައި ތަންފީޒުކުރަން ފެށުން

ނަފްސާނީ ދުޅަހެޔޮކަމާބެހޭ ބިލެއް ޑްރާފްޓްކޮށް ރައްޔިތުންގެ މަޖިލީހަށް ފޮނުވުން

ބައިނަލްއަޤްވާމީ މިންގަނޑުތަކަށް ފެތޭ 'ޕްރިވެންޓިވް ހެލްތު ކެއަރ'ގެ ބިލެއް ޑްރާފްޓްކޮށް ރައްޔިތުންގެ މަޖިލީހަށް ފޮނުވުން

އިސްރަށްވެހީންނަށް ޚާއްޞަ ޞިއްޙީ ފަރުވާ ލިބޭނެ އިންތިޒާމުތައް ފުޅާކުރުމުގެ މަސައްކަތް ފެށުން

ރާއްޖެއިން ލިބޭ ޑޮކްޓަރީ ބޭހަކީ ފެންވަރު ރަނގަޅު ބޭސް ކަމުގައި ހެދުމަށް ސިޔާސަތެއް އެކުލަވާލުން

ރައްޔިތުންގެ މަޖިލީހަށް ސަރުކާރުން ހުށަހަޅާފައިވާ ބިލު ނަންބަރު 2021/19/ބ-31 )ކާބޯތަކެތީގެ ރައްކާތެރިކަމުގެ ބިލު( ފާސްކުރުމަށް ކުރަންޖެހޭ މަސައްކަތްތައް ކުރުން

އޭޓީއެމް ޚިދުމަތް ޤާއިމުކޮށްފައި ނެތް ރަށްރަށުގައި އެ ޚިދުމަތް ފޯރުކޮށްދިނުމުގެ ޕްލޭނެއް އެކުލަވާލައި ތަންފީޒުކުރަން ފެށުން

އިސްރަށްވެހީންނަށް ޚާއްޞަ އިޖުތިމާޢީ މަރުކަޒުތަކެއް ބިނާކުރުމު ެގ މަޝްރޫޢެއް ފެށުން

ކޮންމެ ހިޔާ ޓަވަރެއްގައި އިތުރު 2 ލިފްޓު ހަރުކުމުގެ މަސައްކަތް ފެށުން

ވަޒީފާގައި ދެމިހުންނަން އެދޭ އުމުރުން 65 އަހަރާ 75 އަހަރާ ދެމެދުގެ ފަރާތްތަކަށް، އަހަރުން އަހަރަށް އައުކުރާ ކޮންޓްރެކްޓެއްގެ ތެރެއިން، ވަޒީފާގައި ދެމިހުރުމުގެ ފުރުސަތު ފަހިކޮށްދިނުމުގެ ސިޔާސަތު އެކުލަވާލައި ތަންފީޒުކުރަން ފެށުން

ގެވެށި އަނިޔާ ހުއްޓުވުމަށް މަސައްކަތްކުރާނެ ޚާއްޞަ އިދާރާއެއް ހަމަޖެއްސުން

ކުދި ކުށްތައް އަލަށް ކުރާ ކުދީންނާއި ޒުވާނުން ޖަލަށްލުމުގެ ބަދަލުގައި، ހެޔޮ ތަރުބިއްޔަތާއެކު އަނބުރާ މުޖުތަމަޢަށް ނުކުތުމަށް މަގުފަހިވާނެ ނިޒާމެއް ޤާއިމުކުރުމުގެ ގޮތުން ޤާނޫނު ނަންބަރު 2019/18 )ކުޑަކުދިންގެ ޢަދުލުގެ ޤާނޫނު( ފުރިހަމަޔަށް ތަންފީޒުކުރުމުގެ މަގުޗާޓެއް އެކުލަވާލައި އަމަލުކުރަން ފެށުން

ނަފްސާނީ ބަލިމަޑުކަމާ ކުރިމަތިލާންޖެހިފައިވާ ފަރާތްތަކަށް 24 ގަޑިއިރު ޚިދުމަތް ލިބޭނެ ޚާއްޞަ ޤައުމީ ހެލްޕްލައިނެއް ޤާއިމުކުރުން

ދައުލަތުގެ ބެލުމުގެ ދަށުގައި ތިބޭ ކުޑަކުދީންނަށް "ކޮންމެ ކުއްޖަކަށް އާއިލާއެއް" ޕްރޮގްރާމް އެކުލަވާލުން

މާލޭގެ މަގުތަކުގައި ގިނަވަމުންދާ ބުޅާތައް ގެންގުޅޭނެ 'ޕެޓް ކެއަރ ފެސިލިޓީ'އެއް ޤާއިމުކުރުމުގެ މަސައްކަތް ފެށުން