Saturday, 21 November 2026
Advertisement
STO — McCoy (leaderboard)
ލުއި ޚަބަރު

ސޯޝަލް މީޑިއާއިން ފެތުރެނީ ފިތުނަ!

ސޯޝަލް މީޑިއާއިން ފެތުރެނީ ފިތުނަ!

މާގިނައިން ސޯޝަލް މީޑިއާ ބޭނުންކުރާ ނަމަ އެއިން ފެންނަ މަންޒަރުތަކުގެ ސަބަބުން އެހެން މީހުންނާއި ތިމާއާ އަޅާކިޔޭ ގޮތްވެ ހަސަދަވެރިކަން އުފެދޭ ކަމަށާއި އެކަމަކު ސަބަބުން ހިތް ނުތަނަވަސްވުމުގެ މައްސަލަ ބޮޑުވާ ކަމަށް ދިރާސާއެއްގައި ބުނެފިއެވެ.

ޔުނިވަސިޓީ އޮފް ކޯޕެންހޭގަންގެ މި ދިރާސާގައި ބުނެފައި ވަނީ ސޯޝަލް މީޑިއާގައި ހަރަކާތްތެރިކޮށް އުޅޭ މީހުންނަށް ވުރެ، މާބޮޑު ކަމެެއް ނެތި ހަމަ އެކަނި އެހެން މީހުންގެ ހަރަކާތްތައް ބަލަން ސޯޝަލް މީޑިއާ ބޭނުންކުރުމުން ހަސަދަވެރިވުމުގެ މައްސަލަ ބޮޑުވާ ކަމަށެވެ.

ދިރާސާގައި ލަފާ ދީފައި ވަނީ ސިކުނޑިއަށް ހަމަޖެހުން ގެނައުމަށް ސޯޝަލް މީޑިއާއާ ދުރުވުމަށެވެ.

Advertisement
Ooredoo — Square (box)

ސޯޝަލް މީޑިއާ ބޭނުންކުރާ ހާހެއްހާ މީހުން ބޭނުންކޮށްގެން ކުރި ދިރާސާގައި ބުނެފައި އާންމުކޮށް ސޯޝަލް މީޑިއާ ބޭނުންކުރުމުން ތިމާގެ އިހްސާސްތަކަށް ނޭދެވޭ އަސަރުތަކެއް ކުރާ ކަމަށެވެ. އަދި ހާއްސަކޮށް ފޭސްބުކްގެ ސަބަބުން އަމިއްލަ ދިރިއުޅުމާ މެދު ހިތްހަމަނުޖެހުމުގެ ޝުއޫރުތައް އުފެދުން ބޮޑު ކަމަށް ވެސް ބުނެފައިވެއެވެ.

މި ދިރާސާ ހެދުމަށް ބައިވެރިކުރި ހާހެއްހާ މީހުންގެ ތެރޭގައި ގިނައީ އަންހެނުންނެވެ.

ސޯޝަލް މީޑިއާގައި މީހުން އާންމުކުރާ ގިނަ އެއްޗިއްސަކީ އެ މީހުންގެ ހަގީގީ ދިރިއުޅުމާ މާބޮޑު ގުޅުމެއް ހުރި އެއްޗިއްސަށް ގިނަ ފަހަރަށް ނުވާ ކަމަށާއި އެހެންވެ އެ ކަންކަން ފެންނަ މީހުންގެ ހިތުގައި ދިރިއުޅުމުގެ ހަގީގަތާ މެދު އުފެދެނީ ގޯސް ތަސައްވުރެއްކަން ދިރާސާގައި ވަނީ ފާހަގަކޮށްފައެވެ.

ނަމަވެސް ސޯޝަލް މީޑިއާގައި އެހެން މީހުންނާ އާންމުކޮށް މުއާމަލާތުކޮށް އުޅޭ މީހުންނަށް ނުރަނގަޅު އަސަރުކުރުމަށް އޮންނަ ފުރުސަތު، ފޮރުވިފައި ތިބެގެން އެހެން މީހުންގެ ކަންކަމަށް ފާރަލާން ސޯޝަލް މީޑިއާ ބޭނުންކުރާ މީހުންނާ އަޅައިބަލާއިރު ކުޑަ ކަމަށް ދިރާސާއިން ވަނީ ދައްކައިފައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.