"އަކްރަމަށް ވާދަ ކުރެވެން ނުވާނެއެކޭ ވިދާޅެއް ނުވަން"
އެމްޑީޕީގެ ގައުމީ މަޖިލީހުގެ އިންތިޚާބުގައި މާލެ ދާއިރާގެ ރައީސް ކަމަށް ކުރިމަތިލާފައިވާ އަކްރަމް ކަމާލުއްދީނަށް ވާދަ ކުރެވެން ނުވާނެއޭ ވިދާޅުވެ ވާހަކަ ދެއްކެވި ކަމަށް ބުނެ ބައެއް މީޑިޔާތަކުގައި ގެނެސް ދިން ޚަބަރު ހަސަން ލަތީފް ދޮގުކޮށްފައިވާކަމަށް އަކްރަމް ކަމާލުއްދީން ވިދާޅުވެއްޖެއެވެ.
އަކްރަމް ވަނީ ހަސަން ލަތީފްއާ ވަޓްސް އަޕް މެދުވެރިކޮށް ދައްކަވައިފައިވާ ވާހަކައިގެ ސްކްރީން ޝޮޓެއް ޓްވިޓާގައި ހިއްސާކުރައްވައިފައެވެ.
އަކްރަމް ސޯޝަލް މީޑިޔާއަށް ދޫކޮށްލައިފައިވާ ސްކްރީން ޝޮޓުގައި ވަނީ ޕްރެސްގައި ހަސަން ދެއްކެވި ވާހަކަތަކުގެ ހަބަރެއްގެ ސްކްރީން ޝޮޓް ފޮނުވައި ވަރަށް ފައްކާ ކަމަށް ވިދާޅުވެފައެވެ. އެމެސެޖަށް ހަސަން ދެއްވި ޖަވާބުގައި އަކްރަމްގެ ވާހަކަ ވިދާޅުނުވާ ކަމަށާއި އެއީ ހުސް ދޮގު ކަމަށް ވަނީ ވިދާޅުވެފައެވެ.އަދި އަކްރަމަށް ކުރިމަތި ލެއްވޭނެ ކަމަށް ނިންމީ އިސްތިއުނާފު ފަނޑިޔާރު މަޖިލީހުން ނޫން ކަމަށް ވެސް ހަސަން ލަތީފް ވަނީ ވިދާޅުވެފައެވެ. އެއަށް ފަހު އަކްރަމް ވަނީ އެހެން ނަމަ އެކަމަށް ބަޔާނެއް ނުނެރުނީ ކީއްވެތޯ އައްސަވައިފައެވެ.
މިކަމާބެހޭގޮތުން އެމްޑީޕީގެ ޗެއަރ ޕާރސަން ހަސަން ލަތީފްގެ ބަހެއް ލިބޭތޯ ކުރި މަސައްކަތުން އޭނާގެ ބަހެއް ވަނީ ލިބޭގޮތް ނުވެފައެވެ.
މާދަމާ ބޭއްވުމަށް މަސައްކަތް ކުރަމުން އަންނަ އެމްޑީޕީގެ އެތެރޭގެ އިންތިހާބުގައި 92،743 މީހުނަށް ވޯޓް ލެވޭނެކަމަށް އެޕާޓީން ވިދާޅުވެފައިވެއެވެ.
މި އިންތިހާބުގައި 455 މަގާމަކަށް މީހުން ހޮވަން ވަނީ ނިންމައިފައެވެ. މި 455 ދާއިރާއަށް 700އަށް ވުރެ ކެނޑިޑޭޓުން ވާދަކުރެއެވެ.
ބައްޕާފުޅު މަސައްކަތް ކުރައްވަނީ ދަރިފުޅު ވެރިކަމަށް ގެންނަން. މިގައުމުގައި ދެން ތިޔަ އާއިލާ ވެރިކަން ކުރަން ދިވެހިރައްތިތުން ފުރުސަތު ދޭން ބޭނުމެއްނުވޭ ދިގު 30 އަހަރު މުޅިގައުމު ދިރުވާލާ އެތަކެއް ޖީލެއްގެ ދުވަސް ދުއްވާލީ. ކުރިން އުޅުއްވީ ދަރިކަބަލުން ވެރިކަމަށް ގެނެވޭތޯ. ޢެކަމަކު މިހާރު ދަރިކަބަލުންވެސް ވަނީ ފެއިލްވެފައި. ޙަސަދަވެރިކަމުގެ ލާމަސީލު މިސާލެއް ތިޔައާއިލާއަކީ. މިގައުމަށާއި ރައްޔިތުންނަށް ކަމެއްކޮއްދީފައި އޮތީ ރައީސް ނަޝީދު. ޢެކަމަކު ބަގާވާތްކޮށްގެން އެވެރިކަންވެސް ވައްޓާލީ ތިޔަ ހިޔަޅު އާއިލާއިން.
މި ގައުމަށާއި ރައްޔިތުންނަށް ނަޝީދު ކޮށްދިން އެއްވެސް ރަނގަޅު ކަމެއް ބުނެބަލަ. އޭނާ ކުރިހާވެސް ކަމަކީ، ރައްޔިތުން އުޅެމުން އައި އިސްލާމް ދީނުގެ ރިވެތި އުސޫލުތައް ރައްޔިތުންގެ ކިބައިން ނިގުޅައިގަނެ، ކޮންމެ މީހަކަށްވެސް އެމީހަކު ބޭނުން ކަމެއް އެމީހަކު ބޭނުން ގޮތަކަށް ކުރެވޭނެކަމަށް ބުނެ، ރައްޔިތުން މަގު ފުރެއްދުމާއި، އިސްލާމް ދީނުގެ ޙުކުމްތަކާ ދެކޮޅަށް ވާހަކަދެއްކުން.