Saturday, 21 November 2026
Advertisement
STO — McCoy (leaderboard)
ސިޔާސީ

ޝިފާ،ރިޔާޒަށް: ވައުދުވެވަޑައިގެންނެވި ފަދައިން އަފްރާޝީމްގެ މަރުގެ މައުލޫމާތު އާއްމު ނުކުރަނީ ކީއްވެ؟

ޝިފާ،ރިޔާޒަށް: ވައުދުވެވަޑައިގެންނެވި ފަދައިން އަފްރާޝީމްގެ މަރުގެ މައުލޫމާތު އާއްމު ނުކުރަނީ ކީއްވެ؟
އެމްޑީޕީއާއި ޕީޕީއެމް ފެއިލް ވެއްޖެކަމަށާއި އުއްމީދަކީ ހަމައެކަނި އެމްއެންޕީކަމަށް އެމްއެންޕީގެ ޕީޖީ ލީޑަރު, މަޖިލީހުގެ ތިމަރަފުށީ ދާއިރާގެ މެމްބަރު އަބްދުﷲ ރިޔާޒް ވިދާޅުވުމުން، މާލޭ ސިޓީގެ ކުރީގެ މޭޔަރު ޝިފާ މުހައްމަދު، ރިޔާޒަށް ފާޑުވިދާޅުވެއްޖެއެވެ. އަބްދުﷲ ރިޔާޒަށް ރައްދު ދެއްވާ ޝިފާ ވަނީ ވައުދުވެވަޑައިގެންނެވި ފަދައިން އަފްރާޝީމްގެ މަރުގެ މައުލޫމާތު އާއްމު ނުކުރަނީ ކީއްވެތޯ އައްސަވައި ސުވާލު ކުރައްވައިފައެވެ. https://twitter.com/SifaMohammed/status/1454034978333880334

ކުރީގެ މަޖިލީހުގެ މެންބަރު އަދި ދީނީ އިލްމުވެރިޔާ ޑރ. އަފްރާޝީމް އަލީ އަވަހާރަކޮށްލި އިރު ފުލުސް ކޮމިޝަނަރުގެ މަގާމުގައި ހުންނެވީ އަބްދުﷲ ރިޔާޒެވެ.

އަފްރާޝީމްގެ މަރުގެ މައްސަލައިގެ މުހިންމު މައުލޫމާތުތަކެއް އެކަށީގެންވާ ވަގުތުގައި އާއްމުކުރާނެކަމަށް އަބްދުﷲ ރިޔާޒް ވަނީ މީގެ ކުރިން ވިދާޅުވެފައެވެ. އެހެން ނަމަވެސް މިހައި ތަނަށް ވެސް އޭނާ އެފަދަ މައުލޫމާތެއް ހާމަކޮށްފައި ނުވާތީ ގިނަބަޔަކު ދަނީ ފާޑުކިޔަމުންނެވެ.

އަފްރާޝީމް އަވަހާރަކޮށްލީ ސެޕްޓެމްބަރު 30، 2012 ވަނަ ދުވަހުގެ ރޭ 1:30 ހާއިރު، ދިރިއުޅޭ ހ. ފުންވިލުގެ ސިޑިގޮޅި ކައިރީގައެވެ. ކަތިވަޅިއަކުން އަފްރާޝީމްގެ ބޮލާއި ހަށިކޮޅުގެ އެކި ތަންތަނަށް ހަމަލާދީފައިވެއެވެ.

މަރުތަކުގެ ހަގީގަތް ހޯދަމުން އަންނަ ރިޔާސީ ކޮމިޝަނުން ވިދާޅުވެފައިވާ ގޮތުގައި އަފްރާޝީމްގެ މަރުގެ ފަހަތުގައި ވެސް ތިބި މީހުން ވަނީ ހޯދިފައެވެ. އެއީ ކޮން ބައެއްކަން ވަރަށް އަވަހަށް ހާމަކުރާނެ ކަމުގެ ޔަގީންކަން މިދިޔަ އޮކްޓޯބަރު މަހުގެ ތެރޭގައި ރިޔާސީ ކޮމިޝަނުން އޮތީ ދެއްވައިފައެވެ. އެހެން ނަމަވެސް އަފްރާޝީމްގެ މަރުގެ ފަހަތުގައިވާ ބައެއް އަދި އެ މަރާ ގުޅޭ މައުލޫމާތުތައް ހާމަކޮށްފައެއް ނުވެެއެވެ.

Advertisement
Allied Insurance — Square (box)

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.