Friday, 20 November 2026
Advertisement
STO — McCoy (leaderboard)
ރައްޔިތުންގެ މަޖިލިސް

ބާރު އޮތް ދުވަހު، އިދިކޮޅުން ޖޭއެސްސީ އިސްލާހެއް ނުކުރި: ޒަރީރު

ބާރު އޮތް ދުވަހު، އިދިކޮޅުން ޖޭއެސްސީ އިސްލާހެއް ނުކުރި: ޒަރީރު
އާރާއިބާރު ލިބުނު ދުވަހު، އިދިކޮޅު ފަރާތްތަކުން ޖުޑީޝަލް ސަރވިސް ކޮމިޝަން(ޖޭއެސްސީ) އިސްލާހު ނުކުރާ ކަމަށް ރައްޔިތުންގެ މަޖިލީހުގެ މަތިވެރި ދާއިރާގެ މެމްބަރު ހަސަން ޒަރީރު ވިދާޅުވެއްޖެއެވެ. ރައްޔިތުންގެ މަޖިލީހުގެ މިއަދުގެ ޖަލްސާގައި ޖޭއެސްސީ އިސްލާހު ކުރުމަށް، ގާނޫނު އަސާސީއަށް ބަދަލު ގެނައުމަށް މަހިބަދޫ ދާއިރާގެ މެމްބަރު އަހްމަދު ތޯރިގު ހުށަހެޅުއްވި ބިލަށް ބަހުސް ކުރައްވަމުން ޒަރީރު ވަނީ، އެ އިސްލާހު ހުށަހެޅުއްވުމުގެ ނިޔަތާ މެދުގައި ސުވާލު އުފައްދަވައިފައެވެ. އޭނާ ވިދާޅުވީ އޭރު ޕީޕީއެމްއަށް ބާރު އޮތްއިރު، ޖޭއެސްސީއަށް ނުފޫޒު ފޯރުވަމުން ދިޔަ ކަމަށާއި، މިއަދު ގެންނަން އެ ވަކާލާތު ކުރާ ހެޔޮ ބަދަލުތަކެއް އޭރު ނުގެންނަ ކަމަށެވެ.
"ކުޑަމިނުން، ގާނޫނު އަސާސީ އޮއްވާ، ގާނޫނު އަސާސީއާ ތައާރުޟުވާ ގަވައިދުތައް ރައީސް އޮފީހުން ހަދައިގެން، ދިވެހިރާއްޖޭގެ ފަޅުތަކާ ބިންތަކާ ވިއްކައިލީ ވެސް އެބޭފުޅުން." އޭނާ ވިދާޅުވިއެވެ.
ޒަރީރު ވިދާޅުވީ ޖޭއެސްސީ އިސްލާހު ކުރަން ހުށަހެޅީ އިދިކޮޅު ލީޑަރު، ރައީސް ޔާމީންގެ މައްސަލައަށް ނުފޫޒު ފޯރުވާ ކަމަށް ކުރާ ތުހުމަތުތަކާ ގުޅުވައިގެން ކަމަށެވެ. ޖޭއެސްސީގައި އިސްލާހުކޮށް ގާނޫނު އަސާސީއަށް ބޮޑެތި ބަދަލުތަކެއް ގެންނަން ޖެހޭކަމަށް ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ވެސް މީގެ ކުރިން ވިދާޅުވިއެވެ. ޖޭއެސްސީ އެކުލެވިގެންވާ ގޮތް ބަދަލުކުރުމަކީ ރައީސް އިބްރާހީމް މުހައްމަދު ސޯލިހްގެ ރިޔާސީ ވައުދެކެވެ. ނަމަވެސް ޖޭއެސްސީއަށް ބަދަލު ގެނައުމަށް ސަރުކާރުން މިހައިތަނަށް މަޖިލީހަށް އެއްވެސް ހުށަހެޅުމެއް އަދި އެއްވެސް ބިލެއް ހުށަހަޅައިފައެއް ނުވެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.