ފައްޔާޒްގެ ކެންޕެއިން ޕޯސްޓް ރީ-ޓްވީޓް ކުރެވުނީ އޮޅުމަކުން: ރައީސް އޮފީސް

އަންނަ މެއި މަހުގެ 14 ވަނަ ދުވަހަަށް ފަސްކޮށްފައިވާ، އެމްޑީޕީގެ ޗެއަރޕާސަންގެ އިންތިޚާބުގައި ވާދަ ކުރައްވާ، އިކޮނޮމިކް މިނިސްޓަރު ފައްޔާޒް އިސްމާއީލްގެ ކެންޕެއިން ޕޯސްޓެއް، ރައީސް އޮފީހުގެ ރަސްމީ ޓްވިޓަރ އެކައުންޓް އިން ރީ-ޓްވީޓް ކުރެވިފައިވާތީ، ރައީސް އޮފީހުން އެކަމަށް މަޢާފަށް އެދިއްޖެއެވެ.
ރައީސް އޮފީހުން ރީ-ޓްވީޓްކޮށްފައި ވަނީ މިދިޔަ ހަފްތާ ބަންދުގައި މުލަކު އަދި ނިލަންދެ އަތޮޅަށް ފައްޔާޒް ކުރެއްވި ދަތުރުފުޅު ނިންމަވާލެއްވުމަށް ފަހު ކުރެއްވި ޓްވީޓެވެ.
[caption id="attachment_145178" align="alignnone" width="1024"]<img class="wp-image-145178 size-large" src="https://cdn.dhen.mv/wp-content/uploads/2022/03/065323-po-1024x334.jpeg" alt="" width="1024" height="334" /> ފައްޔާޒްގެ ޓުވީޓު ރައީސް އޮފީހުން ރީޓުވީޓުކޮށްފައި[/caption]
ރައީސް އޮފީހުގެ ރަސްމީ ޓްވިޓަރ ހޭންޑަލްއިން މި ޓްވީޓް ރީ-ޓްވީޓް ކުރިތާ އިރުކޮޅެއްގެ ތެރޭގައި ވަނީ ނަގައިފައެވެ. އަދި އެއީ އޮޅިގެންވި ކަމެއް ކަމަށް ބުނެ، މައާފަށް އެދުނެވެ.
ރައީސް އޮފީހުން ރޭ ކުރެއްވި ޓްވީޓެއްގައި ވިދާޅުވީ، ވަކި ސިޔާސީ ޕާޓީއަކުން އިންތިޒާމުކޮށްގެން ކުރާ ކަންކަމާއި ވަކި ކެނޑިޑޭޓެއް އެންޑޯސްކޮށް، އެ ކެނޑިޑޭޓަކަށް ތާއީދު ކުރުމަކީ ރައީސް އޮފީހުގެ މީސްމީޑިއާގެ އެއްވެސް މަންސައަކުން ކުރާނެ ކަމެއް ނޫން ކަމަށެވެ. ރައީސް އޮފީހުން އިތުރަށް ވިދާޅުވީ، މިކަން ހިނގައިދިޔަ ގޮތް ހޯދަން ފަށައިފައިވާ ކަމަށާއި މިފަދަ ކަމެއް ތަކުރާރު ނުވާނެ ގޮތަށް ފިޔަވަޅު މިހާރު އަޅައިފައިވާ ކަމަށެވެ.
އެމްޑީޕީގެ އިންތިހާބަށް ސަރުކާރުން ނުފޫޒު ފޯރުވާކަމުގެ ތުހުމަތު މި އިންތިޚާބުގައި ވާދަކުރައްވާ، އިންތިޔާޒު ފަހުމީގެ ޓީމުން ކުރައްވަައެވެ. މި ޓްވީޓާ އެކު، ތުހުމަތުތައް ވަނީ އިތުރުވެފައެވެ. މިގޮތުން މި ޓްވީޓްގެ ސްކްރީންޝޮޓްތައް ނަގާ މީސްމީޑިއާގައި ދަނީ ދައުރު ކުރަމުންނެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.