ރައްޔިތުންގެ މެދުގައި ފިތުނަ ފަސާދައަށް ހިތްވަރުދެވިގެން ނުވާނެ: އާޒިމް

ރައްޔިތުންގެ މެދުގައި ފިތުނަ ފަސާދައަށް ހިތްވަރުދިނުމަކީ އެއްވެސް މީހަކަށް ކުރެވިގެންވާނެ ކަމެއް ނޫންކަމަށް މެދު ހެންވޭރު ދާއިރާގެ މެންބަރު ޢަލީ އާޒިމް ވިދާޅުވެއްޖެއެވެ.

Ads by STELCO

އާޒިމް މިހެން ވިދާޅުވީ ‏ޝައިޚް އާދަމް ނިޝާން ހިމެނޭހެން ދީނީ ޢިލްމުވެރިން ހައްޔަރުކޮށް ބަންދު ކުރުމަކީ ވަރަށް ބޮޑު ކަންބޮޑުވުމެއް ކަމަށާއި, އަވަހަށް އިންސާފު ލިބެންޖެހޭކަމަށް މޯލްޑިވްސް ނެޝަނަލް ޕާޓީ (އެމްއެންޕީ) ގެ ރައީސް އަދި ދަނގެތީ ދާއިރާގެ މެންބަރު މުޙައްމަދު ނާޒިމް ވިދާޅުވުމާ ގުޅިގެންނެވެ.

އެ ގޮތުން އާޒިމް ވިދާޅުވީ ރައްޔިތުންގެ މެދުގައި ފިތުނަ ފަސާދައާ މާރާމާރީއަށް ހިތްވަރުދެވިގެން ނުވާނެ ކަމަށެވެ. އަދިމުޖުތަމައު ބައިބައިކޮށް ހަމަނުޖެހުން ހިންގަން ހިތްވަރުދިނުމަކީ އެއްވެސް މީހަކަށް ކުރެވިގެންވާނެ ކަމެއް ނޫންކަމަށް އޭނާ ވިދާޅުވިއެވެ.

ރާއްޖޭގައި ކުރިއަށްގެންދިޔަ ހިންދޫ ދީނުގެ އަޅުކަމެއްކަމަށްވާ ޔޯގާ ހެދުމުގެ ހަރަކާތް ކުރިއަށް ގެންދަނިކޮށް އެ ހަރަކާތަށް ހުރަސް އަޅައިގެން 21 މީހަކު ވަނީ ހައްޔަރުކޮށްފައެވެ. އޭގެތެރޭގައި އައްޝައިޚް އާދަމް ނިޝާންއާއި އައްޝައިޚް ފަޟްލޫން މުޙައްމަދު ވެސް ހިމެނެއެވެ.