ދިރުވާލައިގެން 83 ބުލެޓުގެ މަސްތުވާތަކެތި އެތެރެކުރި އަންހެނަކު ބަންދުކޮށްފި

ދިރުވާލައިގެން 83 ބުލެޓުގެ މަސްތުވާތަކެތި އެތެރެކުރި މީހަކު ހައްޔަރުކޮށް ބަންދަށް 10 ދުވަސް ޖަހައިފިއެވެ.

Ads by MWSC

ކްރިމިނަލް ކޯޓުން އިއްޔެ ބަންދުކުރަން ނިންމީ ސައުތުއެފްރިކާގެ ޢުމުރުން 43 އަހަރުގެ އަންހެނެއްކަމަށްވާ ޒަމެލިކެ ލެސިއާ އޮންޔެޗުގުއެވެ.

ފުލުހުން އޭނާއަށް ކުރަނީ ދިރުވާލައިގެން 83 ބުލެޓުގެ މަސްތުވާތަކެތި ރާއްޖެއަށް އެތެރެކުރިކަމުގެ ތުހުމަތެެވެ. އެކަމަށް ބާރުދޭ ހެއްކާއި ޤަރީނާ ފުލުހުންވަނީ ކޯޓުގައި ހުށަހަޅާފައެވެ.

އެ ގޮތުން މުޖުތަމަޢުގެ ސަލާމަތާއި ރައްކާތެރިކަމަށްޓަކައި ކޯޓުން ނިންމީ އޭނާގެ ބަންދަށް 10 ދުވަސް އިތުރުކުރުމަށެވެ.

މި މައްސަލައިގައި އޭނާ އަތުން އަތުލައިގަތީ ކޮން ބާވަތެއްގެ މަސްތުވާތަކެެތިކަމެއް ސާފެއް ނޫނެވެ.