Friday, 20 November 2026
Advertisement
Ooredoo — Airfibre (leaderboard)
ސިޔާސީ

ބަޖެޓުގައި ޢަރަބިއްޔާ ސްކޫލުގެ ޢިމާރާތަށް އެއްވެސް ފައިސާއެއް ނެތުމުން ކަންބޮޑުވުން

ބަޖެޓުގައި ޢަރަބިއްޔާ ސްކޫލުގެ ޢިމާރާތަށް އެއްވެސް ފައިސާއެއް ނެތުމުން ކަންބޮޑުވުން

އަންނަ އަހަރަށް ލަފާކޮށް ހުށަހެޅި ބަޖެޓުގައި ޢަރަބިއްޔާ ސްކޫލުގެ ޢިމާރާތަށް އެއްވެސް ފައިސާއެއް ނެތުމުން މަހިބަދޫ ދާއިރާގެ މެންބަރު އަޙްމަދު ޠާރިޤް ކަންބޮޑުވުން ފާޅުކުރައްވައިފިއެވެ.

އަންނަ އަހަރަށް ލަފާކޮށް 42 ބިލިއަން ރުފިޔާގެ ބަޖެޓެއް ވަނީ ރައްޔިތުންގެ މަޖިލީހަށް ހުށަހަޅުއްވައިފައެވެ.

ޠާރިޤް ކުރެއްވި ޓުވީޓެއްގައި ވިދާޅުވީ ޢަރަބިއްޔާ ސްކޫލްގެ ނަމުގައި ޢިމާރާތެއް އެޅުމަށް 2023 ވަނަ އަހަރުގެ ބަޖެޓްގައި އެއްވެސް ފައިސާއެއް ނެތް ކަމަށާއި, އެ ސްކޫލް މިވަނީ ވުޖޫދުން ގެއްލިފައި ކަމަށެވެ. އެއީ ހިތާމަހުރި ކަމެއް ކަމަށް ވެސް އޭނާ ވިދާޅުވިއެވެ.

Advertisement
HDC — Sidebar (box)

ޢަރަބިއްޔާގެ ޢިމާރާތުގެ ތަނބުތަކުގައި ރެނދުލައި ގެއްލުންވަމުންދާތީ މި އަހަރުގެ ޖެނުއަރީ މަހުން ފެށިގެން ދަރިވަރުންނަށް ކިޔަވައިދެމުން އަންނަނީ ކުރިން ފޮރިން މިނިސްޓްރީ ހިންގި ޢިމާރާތުގައެވެ. ނަމަވެސް އެ ތަނަކީ ދަރިވަރުންނަށް ކިޔަވައިދިނުމަށް އެކަށީގެންވާ ތަނެއް ނޫންކަމަށް ބުނެ އެ ސުކޫލުން ވަނީ ކަންބޮޑުވުން ވެސް ފާޅުކޮށްފައެވެ.

ބާޖަމާލުއްދީނު ބިމުގައި ޢަރަބިއްޔާގެ އައު ޢިމާރާތް ހަދަން ސަރުކާރުން ނިންމާފައިވާއިރު, އެޑިއުކޭޝަނުން ބުނެފައިވާ ގޮތުގައި އަންނަ އަހަރު އެ ޢިމާރާތް ނިމޭނެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.