Thursday, 19 November 2026
Advertisement
Ooredoo — Airfibre (leaderboard)
ސިޔާސީ

ޕްރައިމަރީއަށް ހުޅުވައިލީ ނަޝީދަށް ދަތިވާގޮތަށް ކަމަށް ވިދާޅުވެ ޢާޒިމްގެ ނުރުހުން

ޕްރައިމަރީއަށް ހުޅުވައިލީ ނަޝީދަށް ދަތިވާގޮތަށް ކަމަށް ވިދާޅުވެ ޢާޒިމްގެ ނުރުހުން

އަންނަ އަހަރުގެ ރިޔާސީ އިންތިޚާބުގައި އެމްޑީޕީގެ ޓިކެޓްގައި ވާދަކުރައްވާނެ ކެންޑިޑޭޓެއް ހޮވުމަށް ބާއްވާ ރިޔާސީ ޕްރައިމަރީއަށް ހުޅުވައިލި ގޮތުން މެދު ހެންވޭރު ދާއިރާގެ މެންބަރު ޢަލީ ޢާޒިމް ފާޑުވިދާޅުވެއްޖެެއެވެ.

އެމްޑީޕީން މިއަދު ކުރި އިއުލާނެއްގައި ބުނީ ރިޔާސީ ޕްރައިމަރީ އޮންނާނީ 28 ޖެނުއަރީ 2023 ވާ ހޮނިހިރު ދުވަހު ކަމަށެވެ.

އެގޮތުން ޕްރައިމަރީގައި ވާދަކުރަން ބޭނުންވާ މެންބަރުން މި މަހުގެ 24 ވާ ހޮނިހިރު ދުވަހުގެ ހަވީރު 16:00 ގެ ކުރިން ޕްރައިމަރީއަށް ކުރިމަތިލުމަށް އެދޭ ފޯމު ހުށަހެޅުމަށް ވަނީ ފުރުސަތު ހުޅުވައިލާފައެވެ.

Advertisement
HDC — Sidebar (box)

ޢާޒިމް ކުރެއްވި ޓުވީޓެއްގައި ވިދާޅުވީ ޕްރައިމަރީއަށް ކުރިމަތިލައްވާނެކަމަށް ޕާޓީގެ ރައީސް މުޙައްމަދު ނަޝީދު ވިދާޅުވަނިކޮށް ރަށުގައި ނޫޅުއްވަނީސް އިންތިޚާބަށް ކުރިމަތިލެއްވުމަށް ދީފައި މިވަނީ އެންމެ ފަސް ދުވަހުގެ މުއްދަތެއް ކަމަށެވެ.

އަދި ކޮންމެ ކަމެއް ''ތިހާ ހުތުރުކޮށް ކުރަން އުޅުމުން ނަތީޖާ މާ ރަނގަޅެއް ނުވާނެ'' ކަމަށް ވެސް އޭނާ ވިދާޅުވިއެވެ.

ރައީސް ނަޝީދު މިހާރު ވަނީ ޕްރައިމަރީގައި ވާދަކުރެއްވުމަށް އެ މަނިކުފާނުގެ ޓީމާއެކު މަސައްކަތް ފަށްޓަވާފައެވެ. ހަމައެހެންމެ ދެވަނަ ދައުރަކަށް ކުރިމަތިލައްވަން ޕްރައިމަރީގައި ވާދަކުރައްވާނެ ކަމަށް ވިދާޅުވެފައިވާ ރައީސް އިބްރާހިމް މުޙައްމަދު ޞާލިޙްގެ ޓީމުން ވެސް މިހާރު އަންނަނީ ކެމްޕޭން ފެށުމަށް ވާންޖެހޭ ތައްޔާރީތައްވަމުންނެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.