Friday, 20 November 2026
Advertisement
Allied Insurance (leaderboard)
ސަރުކާރު

ސަރުކާރުގެ ސިޔާސަތުތައް ތަންފީޒު ކުރުމާ ދެކޮޅު ބޭފުޅުން ސިޔާސީ މަޤާމުތަކުގައި ތިބޭނަމަ ފިޔަވަޅު އަޅާނެ

ސަރުކާރުގެ ސިޔާސަތުތައް ތަންފީޒު ކުރުމާ ދެކޮޅު ބޭފުޅުން ސިޔާސީ މަޤާމުތަކުގައި ތިބޭނަމަ ފިޔަވަޅު އަޅާނެ

ސަރުކާރުގެ ސިޔާސަތުތައް ތަންފީޒު ކުރުމާ ދެކޮޅު ހައްދަވާ ބޭފުޅުން ސިޔާސީ މަޤާމުތަކުގައި ތިއްބަވާނަމަ ސަރުކާރުން ފިޔަވަޅު އަޅާނެ ކަމަށް ރައީސް އޮފީހުގެ ތަރުޖަމާނު މިއުވާން މުޙައްމަދު ވިދާޅުވެއްޖެއެވެ.

ރައީސުލްޖުމްހޫރިއްޔާގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި މިއުވާން ވިދާޅުވީ، ސިޔާސީ މަގާމްތަކުގައި ތިއްބަވަނީ ސަރުކާރުގެ ސިޔާސަތުތައް ތަންފީޒު ކުރުމަށް ރުހިވަޑައިގަންނަވާ ބޭފުޅުން ކަމަށެވެ.

“ސަރުކާރުގެ ސިޔާސަތު ތަންފީޒު ކުރުމާ ދެކޮޅު ހައްދަވާ ބޭފުޅުން ތިއްބަވާކަމަށް ވާނަމަ، އެކަމާ ގުޅޭގޮތުން އަޅަންޖެހޭ ފިޔަވަޅުތައް ނުވަތަ ބަލަންޖެހޭ ކަމެއް ބަލާނެ” މިއުވާން ވިދާޅުވިއެވެ.

Advertisement
Ooredoo — Square (box)

އަދި ގަބޫލު ނުކުރާ ސިޔާސަތުތަކެއް ތަންފީޒު ކުރުމަށް ސަރުކާރުގެ ސިޔާސީ މަގާމެއްގައި އެއްވެސް ބޭފުޅަކު ހުންނާނެ ކަމަށް ގަބޫލު ނުކުރާ ކަމަށާއި ޚިޔާލު ފާޅުކުރުމާއި އެބޭފުޅެއްގެ ފިކުރު ފާޅުކުރުމަކީ ސަރުކާރުގެ މުވައްޒަފުންނަށް އަދި އެހެން ބޭފުޅުންނަށްވެސް ލިބިގެންވާ މިނިވަންކަމެއްކަމަށް މިއުވާން ވިދާޅުވިއެވެ.

މީގެ އިތުރުން ސިޔާސީ މަގާމްތަކަކީ ރައީސުލްޖުމްހޫރިއްޔާގެ މަގާމުގެ މަސްއޫލިއްޔަތު އުފުލުމުގައި ރައީސަށް އެހީތެރިވާން އުފައްދަވާ މަޤާމުތަކެއް ކަމަށް މިއުވާން ވިދާޅުވިއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.