ހޯޕް ކޮންފަރެންސް: ބޯހިޔާވަހިކަމާ ގުޅޭގޮތުން، ރައީސް ޔާމީންގެ ތަސައްވުރަށް އަލިއަޅުވައިލައިފި

ރައީސް ޔާމީންއަށް ވެރިކަމުގެ ދެވަނަ ދައުރެއް ލިބިވަޑައިގެންނެވި ނަމަ، ގެދޮރުވެރިކަމުގެ މައްސަލައަށް ހައްލު ހޯއްދަވައިދެއްވީސް ކަމަށް ވިދާޅުވެ، އެ މަނިކުފާނު ބޯހިޔާވަހިކަމުގެ މައްސަލަ ހައްލު ކުރުމަށް ގެންގުޅުއްވާ ވިސްނުން، އިދިކޮޅުގެ "ހޯޕް ކޮންފަރެން"ގައި މިއަދު ހަނދާން އައުކޮށްދީފިއެވެ.
މިކަމާ ގުޅޭގޮތުން، ހޯޕް ކޮންފަރެންސްގައި ވާހަކަ ދެއްކެވީ ޕީޕީއެމްގެ ނައިބު ރައީސުން ކަމުގައިވާ ޑރ.މުޙައްމަދު މުއިއްޒާ، މުޙައްމަދު ޣައްސާން މައުމޫނެވެ.
މި އަހަރުގެ ރިޔާސީ އިންތިޚާބަށް ތައްޔާރުވުމުގެ ގޮތުން، ޕީޕީއެމް-ޕީއެންސީން މިއަދު ފެށި "ހޯޕް ކޮންފަރެންސް"ގައި ވަނީ، 2018 ވަނަ އަހަރުގެ ރިޔާސީ އިންތިޚާބުގެ ކެމްޕެއިނުގައި، ރާއްޖެއަށް ދިމާވެފައިވާ ބޯހިޔާވަހިކަމުގެ މައްސަލަ ހައްލު ކުރުމަށް ރައީސް ޔާމީން ގެންގުޅުއްވި ތަސައްވަރު ހިއްސާ ކޮށްފައެވެ. ހާހެއްހައި މަންދޫބުން ބައިވެރިވާ ހޯޕް ކޮންފަރެންސްގައި ދެއްކި ވީޑިއޯގައި ރައީސް ޔާމީން ވަނީ، ގެދޮރުގެ މައްސަލަ ހައްލު ކުރުމަށް އެ މަނިކުފާނުގެ ޕްލޭނެއް އޮތްކަން ފާހަގަކުރައްވައި، އޭރު އެ މަނިކުފާނު ވައުދުވެވަޑައިގެންނެވި "ވިލިމާލެ 2" މަޝްރޫޢުއާ ގުޅޭގޮތުން ވާހަކަފުޅު ދައްކަވައިފައެވެ.
[caption id="attachment_175538" align="alignnone" width="1280"]<img class="size-full wp-image-175538" src="https://cdn.dhen.mv/wp-content/uploads/2023/02/ޗސދވފސދ.jpg" alt="" width="1280" height="853" /> އިދިކޮޅުން މިއަދު ފެށި ހޯޕް ކޮންފަރެންސްގެ ތެރެއިން-- ފޮޓޯ/ ދެން[/caption]
އެގޮތުން، އެ ވީޑިއޯގައި ރައީސް ޔާމީން ވަނީ، ހުޅުމާލޭގެ ދެވަނަ ފިޔަވަހީގައި އެއްލައްކަ މީހުން އާބާދުކޮށް، ވިލިމާލެ 2ގައި ތިންލައްކަ ފަނަރަހާސް މީހުންގެ އާބާދީއަކަށް ބޭނުންވާނެ އެންމެހައި ވަސީލަތްތަކާއެކުގައި، ދެވަނަ ޝަހަރު ތަރައްޤީކޮށް، މާލެއާ ގުޅުވައިލެވޭނެ ކަމަށް ވިދާޅުވެފައެވެ. ރައީސް ޔާމީން އޭރު ވިދާޅުވީ، މި މަޝްރޫޢު އަކީ ބޯހިޔާވަހިކަމުގެ ދަތިކަމުގެ މައްސަލައަށް އޮތް "ޓޯޓަލް ސޮލިއުޝަން" ކަަމަށެވެ.
ވީޑިއޯއަށް ފަހުގައި ވާހަކަ ދައްކަވަމުން މާލެ ސިޓީގެ މޭޔަރު މުއިއްޒު ވިދާޅުވީ، ވީޑިއޯއިން ފެނިގެން ދިޔައީ، ރައީސް ޔާމީނަށް ދެވަނަ ދައުރެއް ލިބިވަޑައިނުގަތުމުގެ ސަބަބުން ދިވެހީންނަށް ގެއްލިގެން ދިޔަ ތަރައްޤީ ކަމަށެވެ.
ރާއްޖޭގެ ތާރީޚުގައި، ބޯހިޔާވަހިކަމުގެ އެންމެ ބޮޑު މަޝްރޫޢު "ހިޔާ" ފައްޓަވައިދެއްވީ ރައީސް ޔާމީނެވެ. އިދިކޮޅުން ބުނީ، ރައީސް ޔާމީންއަށް ވެރިިކަން ލިބިއްޖެނަމަ، ބޯހިޔާވަހިކަމުގެ މައްސަލަ ހައްލު ކޮށްދެއްވާނެ ކަމަށެވެ.
ރައީސް ޔާމީން މިހާރު ގެންދަވަނީ މާފުށި ޖަލުގައި 11 އަހަރުގެ ޖަލު ޙުކުމެއް ތަންފީޒު ކުރައްވަމުންނެެވެ. އެ މަނިކުފާނު ޖަލަށް ލުމަށް ޙުކުމް ކުރީ މިދިޔަ އަހަރުގެ ޑިސެމްބަރުމަހުގެ 25 ވަނަ ދުވަހުއެވެ. އެ ޙުކުމް ހައިކޯޓުގައި އިސްތިއުނާފު ކުރުމަށް، އެ މަނިކުފާނުގެ ވަކީލުން ދަނީ މަސައްކަތް ކުރައްވަމުންނެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.