Friday, 20 November 2026
Advertisement
MWSC — SmartMeter (leaderboard)
ސަރުކާރު

އެފްކޮންސް ވިއްކާލިޔަސް، މަޝްރޫޢުތައް ނުހުއްޓޭނެ: މިއުވާން

އެފްކޮންސް ވިއްކާލިޔަސް، މަޝްރޫޢުތައް ނުހުއްޓޭނެ: މިއުވާން

އިންޑިއާގެ އެފްކޮންސް ވިއްކާލިޔަސް ރާއްޖޭގައި ކުރިޔަށްދާ އެއްވެސް މަޝްރޫޢުއަކަށް ހުއްޓުމެއް ނާންނާނެ ކަމަށް ސަރުކާރުން ވިދާޅުވެއްޖެއެވެ.

އިންޑިއާގެ ބިލިއަނަރު، ޝާޕޫރު މިސްޓްރީގެ ޝާޕޫރުޖީ ޕަލޯންޖީ (އެސްޕީ) ގްރޫޕަށް މާލީ ތާށިކަން ކުރިމަތިވެ، އެފްކޮންސް ވިއްކާލަން ނިންމާފައިވާ ކަމަށް އެ ގައުމުގެ މީޑިއާގައި ވަނީ ރިޕޯޓުކޮށްފައެވެ. އެ ކުންފުނިން ރާއްޖޭގައި ހިންގާ މަޝްރޫއުތަކުގެ ތެރޭގައި ތިމަލާމެ ބްރިޖާއި އައްޑޫ މަގު ހެދުން ހިމެނެއެވެ.

ރައީސް އޮފީހުގެ ތަރުޖަމާނު މިއުވާން މުޙައްމަދު ވިދާޅުވީ ކުންފުނިތަކަށް ފައިދާވާނެ ގޮތަށް މުދާ ގަތުމާއި ވިއްކުމަކީ އާއްމުކޮށް ހިނގާ ކަންތައްތައް ކަމަށާއި، އެގޮތަށް، ބްރިޖު ހަދާ ކުންފުނި ވިއްކާލިޔަސް މަސައްކަތަށް ބަދަލެއް ނާންނާނެ ކަމަށެވެ.

Advertisement
Ooredoo — Truecaller (box)

އޭނާ އިތުރަށް ވިދާޅުވީ ޝެޑިއުލާ އެއްގޮތަށް މިހާރު ވެސް މަސައްކަތް ކުރިއަށްދާ ކަމަށެވެ.

ދުނިޔޭގެ އެންމެ ބޮޑު ސީޕްލޭން ފްލީޓް، ޓީއެމްއޭގެ ހިއްސާތައް ވެސް އެތައް ފަހަރަކު ވިއްކާލިޔަސް އޮޕަރޭޝަން ހުއްޓުމަކަށް ނާންނަ ކަމަށްވެސް މިއުވާން ވިދާޅުވިއެވެ.

އެފްކޮންސް ވިއްކާލުމާއި ގުޅޭގޮތުން ދިވެހި ސަރުކާރާއި އެއްވެސް މުއާމަލާތެއް ކޮށްފަ ނުވާކަން ފާހަގަކުރައްވައި މިއުވާން ވިދާޅުވީ އެ ޚަބަރު ސަރުކާރަށް ލިބުނީ ނޫސްތަކުން ކަމަށެވެ.

ބައިނަލްއަޤްވާމީ މީޑިއާ ރިޕޯޓުތައް ބުނާގޮތުގައި އެފްކޮންސް ވިއްކާލަން އަގު ޖެހުމުގެ މަސައްކަތް އެޑްވައިޒަރަކު މެދުވެރިކޮށް ކުރަން އެފްކޯންސްގެ މައި ކުންފުނި ޝާޕޫރްޖީ ޕަލޯންޖީން އަންނަނީ ވިސްނަމުންނެވެ.

 

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.