Sunday, 22 November 2026
Advertisement
MWSC — SmartMeter (leaderboard)
ސިޔާސީ

ޢަލީ ޒާހިރުގެ ފާޑުކިޔުން ރައީސް ނަޝީދަށް: ރައީސް ޞާލިޙަކީ ހުސް އުންމީދުދީ ޒުވާންކަން ދައްކަން އުޅުއްވާ ބޭފުޅެއް ނޫން

ޢަލީ ޒާހިރުގެ ފާޑުކިޔުން ރައީސް ނަޝީދަށް: ރައީސް ޞާލިޙަކީ ހުސް އުންމީދުދީ ޒުވާންކަން ދައްކަން އުޅުއްވާ ބޭފުޅެއް ނޫން

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަކީ އެމަނިކުފާނުގެ ޒުވާންކަން ދައްކަވަން މަސައްކަތްކޮށް، ޙިޔާލީ ވަޢުދުތަކާއި ހުސް އުންމީދުތައް ދެއްވާނެ ބޭފުޅެއް ނޫންކަމަށް ރައީސް އޮފީހުގެ ޗީފް އޮފް ސްޓާފް ޢާލީ ޒާހިރު ވިދާޅުވެއްޖެއެވެ.

ޢަލީ ޒާހިރު ކުރެއްވި ޓްވީޓެއްގައި މިހެން ވިދާޅުވެފައިވަނީ، ދަ ޑިމޮކްރެެޓްސް އިން ރޭ ބޭއްވި ޖަލްސާގައި ރައީސް  މުޙައްމަދު ނަޝީދު ވިދާޅުވި ބައެއްކަންކަމާ ގުޅިގެންނެވެ. އެގޮތުން އެމްޑީޕީގެ ފުރަތަމަ ސަރުކާރުގައި ރާއްޖެއަށް ތައާރަފް ކުރެއްވި ބައެއް ކަންތައްތައް ލިސްޓް ކުރައްވައި ވެރިކަމަކީ ޒުވާން އިރު ކުރެވޭނެ ކަމެއްކަމަށާއި، އެއީ އުމުރުން 50 އަހަރުން މައްޗަށް ދިޔަައިމާ "ގެނެވޭނެ ވިސްނުންތަކެއް ނޫން" ކަމަށް ވިދާޅުވެ ރައީސް ނަޝީދުވަނީ ރައީސް ޞާލިޙަށް ވަރަށް ބޮޑަށް ފާޑުވިދާޅުވެފައެވެ.

ރައީސް ނަޝީދަށް ރައްދުދެއްވަމުން ޢަލީ ޒާހިރު ވިދާޅުވީ އެމްޑީޕީގެ ކެންްޑިޑޭޓަކީ ދުވާލަކު ގޮތަކަށް ވާހަކަދައްކަވާ ބޭފުޅެއް ނޫންކަމަށާއި އަވަސް އަރުވާލައިގެން ކަންތައްތައް ކުރައްވާ ބޭފުޅެއް ނޫންކަމަށެވެ.

Advertisement
Allied — Dhen Online (box)

ޢަލީ ޒާހިރު އިތުރަށް ވިދާޅުވީ، ރައީސް ޞާލިޙަކީ ރައްޔިތުންނަށް އޮޅުވާލައި، ޚިޔާލީ ވައުދުތަކާއި ހުސް އުންމީދުތަކެއް ދެއްވާނެ ބޭފުޅެއް ނޫންކަމަށެވެ. އަދި އެމަނިކުފާނަކީ ފުޓްސަލް ދަނޑާ މަލްޓިޕާޕަސް ހޯލުގެ ވާހަކައާއި ފްލެޓު އަޅައިދޭން ބައެއް ފެއިލްވެފައިވާ ސިޔާސީ ބޭފުޅުން ދެއްކެވިހެން ވާހަކަ ދައްކަވައި އެފަދަ ވައުދުތައް ވެވަޑައިގަންނަވާ ބޭފުޅެއް ނޫންކަމަށާއި، އެމަނިކުފާނު ހުންނެވީ ފުޓްސަލް ދަނޑުތަކާއި މަލްޓިޕާޕޮސް ހޯލްތައް އަޅުއްވައި ދެއްވާފައި، އެ ވައުދުތައް ފުއްދަވާފައިކަމަށް ޢަލީ ޒާހިރު ވިދާޅުވިއެވެ.

https://twitter.com/alixahir/status/1683195830440697856?s=46&t=B8wn2jliYGAxYi021-CPSA

ރައީސް ޞާލިޙުގެ ސިއްޙީ ހާލަތާ ގުޅުވައި އަދި އެމަނިކުފާނުގެ އުމުރުފުޅާ ގުޅުވައިގެން ރައީސް ނަޝީދު ފާޑުވިދާޅުވުމާއި ގުޅިގެން ޢަލީ ޒާހިރު ވަނީ އެކަމަށްވެސް ރައީސް ނަޝީދަށް ރައްދުދެއްވާފައެވެ. އެގޮތުން، ރައީސް ޞާލިޙަކީ އެމަނިކުފާނުގެ ޒުވާންކަން ދައްކަން އިސްތަށިފުޅުގައި ކުލަ ޖައްސަވާ ބޭފުޅުއް ނޫންކަމަށާއި އެމަނިކުފާނުގެ އެތެރެއާއި ބޭރު އެއްގޮތްވާނެކަމަށްވެސް ޢަލީ ޒާހިރު ވިދާޅުވިއެވެ. އަދި އެމަނިކުފާނަކީ ޑިމޮކްރަސީ ހަޖަމު ކުރައްވާނެ ބޭފުޅެއްކަމަށްވެސް ވިދާޅުވެފައިވެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.