Friday, 20 November 2026
Advertisement
HDC — Share-Below (leaderboard)
ސިޔާސީ

އަޅުގަނޑު ވެސް ބޭނުން ވަނީ، ރިޔާސީ އިންތިޚާބުގައި ރައީސް ނަޝީދު ވާދަ ކުރައްވަން: އިލްޔާސް

އަޅުގަނޑު ވެސް ބޭނުން ވަނީ، ރިޔާސީ އިންތިޚާބުގައި ރައީސް ނަޝީދު ވާދަ ކުރައްވަން: އިލްޔާސް

އައު ސިޔާސީ ޕާޓީ، ދަ ޑިމޮކްރެޓްސްގެ ބާނީ، ރައީސް މުޙައްމަދު ނަޝީދު މި އަހަރުގެ ރިޔާސީ އިންތިޚާބުގައި ވާދަ ކުރެއްވުމަށް ޚުދު އޭނާ ވެސް ބޭނުންވެލައްވާ ކަމުގައި އެ ޕާޓީގެ ރިޔާސީ ކެންޑިޑޭޓް، އިލްޔާސް ލަބީބު ވިދާޅުވެއްޖެއެވެ.

ޓީވީ ޗެނަލެއްގައި ވާހަކަ ދައްކަވަމުން އިލްޔާސް ވިދާޅުވީ ސިޔާސީ މައިދާނުން ޒުވާނުންނަށް ފުރުސަތު ދިނުމަކީ ރައީސް ނަޝީދު ވަރަށް އިސްކަން ދެއްވާ ކަމެއް ކަމަށާއި، އިލްޔާސްއަށް ޑިމޮކްރެޓްސްގެ ރިޔާސީ ޕްރައިމަރީގައި ވާދަ ކުރެއްވުމުގެ ފުރުސަތު ލިބިވަޑައިގެންނެވީ، ނަޝީދުގެ އެ ވިސްނުންފުޅުގެ ސަބަބުން ކަމަށެވެ.
"ވަރަށް ގިނަ މީހުން، އަޅުގަނޑު ވެސް ބޭނުންވޭ، އެމަނިކުފާނު ކުރިމަތިލައްވަން."
އިލްޔާސް ވިދާޅުވީ އަތޮޅު ތެރެއިން، އައު މީހުން ސިޔާސީ މައިދާނަށް ވެއްދުމަށް ވެސް ރައީސް ނަޝީދު ވަރަށް ބޮޑަށް މަސައްކަތް ކުރައްވާ ކަމަށެވެ.
"އާ ޖެނެރޭޝަން މީގެ ތެރެއަށް ގެނެސްގެން، އެ މީހުން މީގެ ތެރޭގައި ބައިވެރި ކުރެވޭނެ ގޮތްތަކަށް މަސައްކަތް ކުރައްވާތަން އަޅުގަނޑުމެންނަށް މި ފެންނަނީ."
ޑިމޮކްރެޓްސްގެ ރިޔާސީ ޕްރައިމަރީ މާދަމާ އޮންނާނެއެވެ. މި އިންތިޚާބުގައި އިލްޔާސް އެކަނި ވާދަ ކުރައްވާތީ، ނަގާނީ ފެންނަ ނުފެންނަ ވޯޓެކެވެ. އިލްޔާސް ވިދާޅުވީ ޕްރައިމަރީގެ ނަތީޖާއަށް ފަހު، ރަނިންމޭޓު ވެސް، މާދަމާ އިޢުލާނު ކުރައްވާނެ ކަމަށެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.