Sunday, 22 November 2026
Advertisement
STO — McCoy (leaderboard)
ސިޔާސީ

ސަރުކާރު އޮފީސްތަކުގައި މަސައްކަތްކުރާ މުވައްޒަފުން އަޅުވެތިކުރުމަށް ކުރަމުންދާ މަސައްކަތް ހުއްޓާލާ: އިލްޔާސް

ސަރުކާރު އޮފީސްތަކުގައި މަސައްކަތްކުރާ މުވައްޒަފުން އަޅުވެތިކުރުމަށް ކުރަމުންދާ މަސައްކަތް ހުއްޓާލާ: އިލްޔާސް
ސަރުކާރުގެ އޮފީސްތަކާއި ކުންފުނިތަކުގައި މަސައްކަތްކުރާ މުވައްޒަފުންނަށް ސަރުކާރުން ބިރުދައްކައި އޮބަހައްޓައި އެމީހުންގެ މިނިވަންކަން ނަގާލާފައިވާކަމަށް ދަ ޑިމޮކްރެޓްސްގެ ރިޔާސީ ކެނޑިޑެޓް އިލްޔާސް ލަބީބު ވިދާޅުވެއްޖެއެވެ. ކެންޕެއިން ދަތުރުތަކުގައި ގދ އަތޮޅު ގައްދޫއަށް ވަޑައިގެން ރޭ ބެއްވި ޖަލްސާގައި ވާހަކަ ދައްކަވަމުން އިލްޔާސް ވިދާޅުވީ ސަރުކާރު އޮފީސްތަކާއި ޚާއްސަކޮށް ސަރުކާރު ކުންފުނިތަކުގައި ވަޒީފާ އަދާކުރަމުންދާ މުވައްޒަފުންނަށް ވަޒީފާގެ ބިރުދައްކައި ހަދާކަމަށާއި އެމީހުން އަޅުވެތިކުރުމަށް ކުރަމުންދާ މަސައްކަތް ހުއްޓާލުމަށް ހަރުއަޑުން ގޮވާލާކަމަށެވެ. "މިއީ ރައީސުލްޖުމްހޫރިއްޔާގެ އަޅު މަސައްކަތެއް ނޫން، މިއީ ފެނަކަ ސައީދުގެ އަޅު މަސައްކަތެއް ނޫން. އަދި އެހެން ބޭފުޅެއްގެ އަޅު މަަސައްކަތެއް ނޫން. މިތާ އިންނަ ކުންފުންޏެއްގެ މެނޭޖަރެއްގެ އަޅު މަސައްކަތެއްވެސް ނޫން." "އެތަނުގަ މަސައްކަތްކުރާ މުވައްޒަފުންނަކީ ދައުލަތުގެ ފައިސާއިން އާމްދަނީ ލިބޭ އަމިއްލަ މިނިވަންކަމާއެކީ އެމީހުންގެ ސިޔާސީ ފިކުރު ފާޅުކުރުމުގެ ޙައްޤު ލިބިގެންވާ ބައެއް" އިލްޔާސް ވަނީ، އެބޭފުޅުންގެ ޙައްޤުގައި އެޕާޓީން މަސައްކަތްކުރަމުން ގެންދާނެ ކަމަށާއި، އެމީހެއްގެ ސިޔާސީ ޚިޔާލު ފާޅުކުރުމަށް އެއްވެސް ޖެހިލުމެއްނެތި ކުރިއަށް ވަޑައިގެންނެވުމަށް ގޮވާލައްވާފައެވެ. "އަޅުގަނޑުމެން މި އަންނަނީ ތިބޭފުޅުންގެ މަސައްކަތުގެ މާޙައުލުގަވެސް މިނިވަންކަން ހޯދައިދިނުމަށް" އަންނަ މަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި ވާދަކުއްރައްވާ އިލްޔާސް ގދ އަތޮޅަށް ކުރައްވަމުން ގެންދަވާ ކެންޕެއިން ދަތުރުގައި ގދ. ގައްދޫގައި ބޭއްވި ޖަލްސާގައި މަސްވެރިކަމުގެ ދާއިރާއަށް އަލިއަޅުއްވައި ވާހަކަދައްކަވަމުން ވިދާޅުވީ މަސްވެރިން ކުރާ ބުރަ މަސައްކަތުގައި އެހެން ވަސީލަތްތަކާއި އެހެން ހިދުމަތްތައް ހޯދުމުގައި ދަތިތަކެއް ހުރިކަމަށެވެ.

"ކޮންމެ ދުވަހަކު ފަތިހު ނިކުމެ ގޮސް މާ ކަނޑުގަ ވާރެޔާއި ދޭހާ އަވީގައި މަސައްކަތްށްކޮގެން އެ އަންނަނީ އެއިން އާމްދަނީއެއް ހޯދައިގެން ދިރިއުޅުމެއް މި ބިނާ ކުރަނީ"

"މަސްވެރިނަން ބޭންކަށް ގޮސް ކްރެޑީޓް ކާޑެއް ދޭށޭ ބުނީމައި މިބުނަނި މަސްވެރިއެއްކަމެއް ނޭނގެޔޭ އާމްދަނީއެއް ލިބޭކަމެއް އެނގޭކަށް ނެތޭ"

އިލްޔާސް ވިދާޅުވީ ރާއްޖޭގައި އެންމެ ބުރަ މަސައްކަތުން އެންމެ ރަނގަޅު އާމްދަނީއެއް ހޯދާ އެއް ބަޔަކީ މަސްވެރިންކަމަށްވާއިރު، އެމީހުން ލޯނެއް ނަގަން ދިޔުމުން އާމްދަނީ ލިބޭ ގޮތެއް އެނގެން ނެތޭ ބުނެ އަނބުރާ ފޮނުވާލުމަކީ ވަރަށް ދެރަކަމެއްކަމަށެވެ.

Advertisement
Allied — Dhen Online (box)

"ކްރެޑިޓް ކާޑެއް ވިޔަސް، ގެ އަޅާން ލޯނެއް ނަގަން ދިޔަސް، ވިޔަފާރިކުރިއަރުވަން އެހެން ލޯނެއް ނަގަން ދިޔަޔަސް، އޭގެ އެއްވެސް ފުރުސަތެއް މަސްވެރިންނަ ނެތް"

އިލްޔާސް ވިދާޅުވީ މަސްވެރިން އެކުރާ ބުރަ މަސައްކަތް، އެމީހުން އެ ހޯދާ އާމްދަނީއަށް ބިނާކޮށް، އެމީހުންނަށް ލިބެންޖެހޭ އިތުރު ފުރުސަތުތައް ހޯދަދޭންޖެހޭނެ ކަމަށެވެ.

ޑިމޮކްރަޓުންގެ ސަރުކާރެއްގައި އެފަދަ ހުރިހާ ވަސީލަތްތައް ހޯދައިދޭނެކަމަށް އިލްޔާސް ވަނީ ވިދާޅުވެފައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.