Thursday, 19 November 2026
Advertisement
MWSC — SmartMeter (leaderboard)
ސިޔާސީ

ވިލިނގިލީގައި ބިން ހިއްކާފައި އޮތަސް، ބޭނުން ކުރެވޭނެ ގޮތެއް ނެތް: އިލްޔާސް

ވިލިނގިލީގައި ބިން ހިއްކާފައި އޮތަސް، ބޭނުން ކުރެވޭނެ ގޮތެއް ނެތް: އިލްޔާސް

ގއ. ވިލިނގިލީގައި ބިން ހިއްކާފައި އެބައޮތްކަމަށާއި ނަމަވެސް އެ ބިމުގެ ބޭނުންކުރެވޭނެ ގޮތެއް ނެތްކަމަށް ދަ ޑިމޮކްރެޓްސްގެ ފަރާތުން ރިޔާސީ އިންތިޚާބުގައި ވާދަކުރައްވާ އިލްޔާސް ލަބީބު ވިދާޅުވެއްޖެއެވެ.

މި އަންނަ މަހު ބާއްވާ ރިޔާސީ އިންތިޚާބުގައި ވާދަކުރައްވާ އިލްޔާސް ވިދާޅުވީ ވިލިނގިލީގައި ބޯހިޔާވަހިކަމުގެ މައްސަލައަކީ ވަރަށް ބޮޑު މައްސަލައެއްކަމަށެވެ.

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ މި ދައުރުގައި ބޯހިޔާވަހިކަމުގެ މަޝްރޫޢުގެ ދަށުން ފްލެޓު އަޅާފައިވާކަމަށާއި ނަމަވެސް މިރަށުގެ އެތައް ބަޔަކަށް އަދިވެސް ބޭނުންވާވަރަށް ބޯހިޔާވެހިކަން ލިބިފައި ނެތްކަމަށް އޭނާ ވިދާޅުވިއެވެ.

Advertisement
Ooredoo — Square (box)

"އެއް ގެއެއްގައި ކޮޓަރި ހަދައިގެން ހަތަރު ފަސް އާއިލާ އެބަ ދިރިއުޅޭ"

"އެއް ކޮޓަރިއެއްގައި އާއިލާ ހަތަރު ފަސް ކުދިން ގޮވައިގެން އެބަ ދިރިއުޅޭ"

އިލްޔާސް ވިދާޅުވީ މިފަދަ ހާލުގައި ދިރިއުޅެމުންދާ މީހުންނަށް ފަސޭހަކަމާއި އަރާމުގައި ދިރިއުޅެވޭނެ ގޮތެއް ހޯދައިދޭންޖެހޭ ކަަމަށެވެ.

"އަޅުގަނޑުމެން އިރާދަކުރެއްވިއްޔާ، މި ހިއްކާފައި އޮތް ތަނުގައި ފެނާއި، ނަރުދަމާއާއި، އިންޓަނެޓާއި، ކޭބަލް ޓީވީ އާއި މަގުތަކާއެކީ ބިނާކޮށްދޭނަން"

"އަދި އެތަނުގައި ތިންސަތޭކަ ހައުސިންގ ޔުނިޓް ޤާއިމްކޮށްދޭނަން"

ގއ. ވިލިނގިލީގައި ބޭއްވި ކެންޕެއިން ޖަލްސާގައި ވާހަކަ ދައްކަވަމުން އިލްޔާސް ވިދާޅުވީ މިކަންތައްތައް ކުރިއަށް ގެންދާނީ ރަށު ކައުސިލްގެ ބެލުމުގެ ދަށުންކަމަށާއި އެތަން ބެލެހެއްޓުމުގެ ހުރިހާ މަސައްކަތަކާއި ފައިސާ ބަލަހައްޓާނީ ކައުންސިލުން ކަމަށެވެ.

އިލްޔާސް ވިދާޅުވީ އޭނާ ވެރިކަމަށް އަންނަނީ ކައުންސިލާއެކު މަސައްކަތް ކުރަންކަމަށާއި ލާމަރުކަޒީ ނިޒާމު ހިންގުމަށް ކަމަށެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.