ހުއްދަ ނެތި މީހުން ޢުމްރާއަށް ގެންދާ މައްސަލަތަކެއް ބަލަން ފަށައިފި
ހުއްދަ ނެތި ވިޔަފާރި އުސޫލުން މީހުން ޢުމްރާއަށް ގެންދާ މައްސަލަތަކެއް އިސްލާމިކް މިނިސްޓްރީން ވިދާޅުވެއްޖެއެވެ.
އެ މިނިސްޓްރީން ނެރުއްވި ނޫސްބަޔާނެއްގައި ވިދާޅުވީ، ހުއްދަ ނެތި ބައެއް ކުންފުނިތަކުން ވިޔަފާރި އުސޫލުން މީހުން އުމްރާއަށް ގެންދާކަން ފާހަގަކުރެވިފައިވާ ކަމަށާއި ހުއްދަ ލިބިގެން ނޫން ގޮތަކަށް އެއްވެސް މީހަކު އުމްރާއަށް ގެންދިޔުމަކީ މާނާކަމެއް ކަމަށެވެ.
އެ މިނިސްޓްރީން ވިދާޅުވީ، ޢުމްރާއަށް ގެންދިއުމަށް ހުއްދަ ދެނީ ޖެހި ޖެހިގެން ދެއަހަރުގެ މުއްދަތަށް ކަމަށާއި، އެ މުއްދަތަށް ނުފެތޭ ގޮތަށް އެއްވެސް މީހެއްގެ އަތުން އެޑްވާންސްކޮށް ފައިސާ ނެގުމަކީ މަނާކަމެއް ކަމަށެވެ.
މިނިސްޓްރީގެ ބަޔާނުގައި އިތުރަށް ވިދާޅުވީ، ދިވެހިރާއްޖެއިން މީހުން ޢުމްރާއަށް ގެންދިއުމާ ބެހޭ އުސޫލުގެ ނަގަން ޖެހޭ ހުއްދަ ނެތި ވިޔަފާރި އުސޫލުން ޢުމްރާއަށް މީހުން ނުގެންދިއުމަށާއި، ޢުމްރާއަށް މީހުން ގެންދިއުމުގެ ހުއްދަ ނެތް ކުންފުންޏަކަށް އެއްވެސް ފަރާތަކުން ފައިސާ ނުދެއްކުމަށާއި، މިނިސްޓްރީގެ އުސޫލާ އެއްގޮތަށް އަމަލުކުރުމަށް އެ މިނިސްޓްރީން އިލްތިމާސްކުރާ ކަމަށެވެ.
އެ އުސޫލާ ޚިލާފުވެގެން ލިބޭ ގެއްލުމަކަށް އެ މިނިސްޓްރީން ޒިންމާ ނުވާނެ ކަމަށް ވެސް އެ ނޫސް ބަޔާނުގައިވެއެވެ.
