އިދިކޮޅުން "ޤައުމީ ކާޑު" ދައްކަނީ ސަރުކާރާ ދެކޮޅަށް ދައްކާނެ ވާހަކައެއް ނެތިގެން: އަލީ ޒާހިރު

އިދިކޮޅު ޕީޕީއެމާއި ޕީއެންސީން "ނެޝަނަލް ކާޑު" ނެގީ ސަރުކާރުން ރައްޔިތުންނަށް ތަންފީޒުކުރާ ސިޔާސަތުތަކާ ހެދި ދައްކާނެ އިތުރު އެއްވެސް ވާހަކައެއް ނެތިގެން ކަމަށް ރައީސް އޮފީހުުގެ ޗީފް އޮފް ސްޓާފް، އަލީ ޒާހިރު ވިދާޅުވެއްޖެއެވެ.
ޒާހިރު ކުރެއްވި ޓްވީޓެއްގައި ވިދާޅުވީ ގައިގައި ލޭ ހިނގާހާ ހިދަކު މި ޤައުމުގެ ފަސްގަނޑުންނާއި ކަނޑުން އެންމެ އިންޗެއް ވެސް ދޫކޮށް ނުލާން ކަމަށެެވެ. "ޤައުމަށް ގައްދާރުވި ބަޔަކު ވެރިކަމުގެ ދަހިވެތިކަމުގަ ފެތުރި ޔޯލަ ވާހަކަތަކަށް ރައްޔިތުން ނުހެއްލުން އެދެން" ޒަހިރު ވިދާޅުވިއެވެ. ޒާހިރު ވިދާޅުވީ އިދިކޮޅުން ދަނީ ސަރުކާރުން ރައްޔިތުންނަށް ފައިދާހުރި ސިޔާސަތުތައް ތަންފީޒުކުރަމުން ދާތީ އެކަން ހަޖަމް ނުވެގެން ދައްކާނެ ވާހަކައެއް ނެތިގެން "ނޭޝަނަލް ކާޑު" ކުޅެ ރައްޔިތުންނަށް އޮޅުވާލަމުން ކަމަށެވެ. " މިކަމަށް ރައްޔިތުން ސަމާލުވުން އެދެން" ޒާހިރު ވިދާޅުވިއެވެ.



ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.