އަންނަ އަހަރުގެ ބަޖެޓު ހުށަހެޅުން މާދަމާގެ ޖަލްސާއަށް އެޖެންޑާ ކޮށްފި
އަންނަ އަހަރަށް ލަފާކުރާ ދައުލަތުގެ ބަޖެޓު ހުށައެޅުމަށް މާދަމާގެ ރައްޔިތުންގެ މަޖިލީހުގެ ޖަލްސާއަށް އެޖެންޑާކޮށްފިއެވެ.
ބަޖެޓު ހުށަހެޅުން މާދަމާގެ ޖަލްސާއަށް އެޖެންޑާ ކުރިއިރު، ޤާނޫނުގައިވާ ގޮތުން، މި މަސް ނިމުމުގެ ކުރިން ބަޖެޓު ހުށަހަޅަން ޖެހެއެވެ.
މާދަމާގެ ޖަލްސާއަށް ވަނީ ސަރުކާރުން މިއަހަރުގެ ޚަރަދުތައް ހަމަޖައްސަން ހުށައެޅި ސަޕްލިމަންޓްރީ ބަޖެޓު ހުށައެޅުމަށްވެސް އެޖެންޑާކޮށްފައެވެ.
މަޖިލީހުގައި ރައީސް މުޙައްމަދު ނަޝީދުގެ އިތުބާރު ނެތްކަމުގެ މައްސަލައަށް ގޮތެއް ނުނިމެނީސް އެހެން ކަމެއް ކުރިއަށް ނުގެންދެވޭނެކަމަށް ވެރިކަން ކުރާ މައި ޕާޓީ އެމްޑީޕީން ވަނީ ބުނެފައެވެ. ނަޝީދުގެ މައްސަލަ ކުރިއަށް ނުގެންދެވި ވަނީ މަޖިލީހުގެ ނައިބު ރައީސް އީވާ ސަލާމް ވިދާޅުވާތީއެވެ.
ފިނޭންސް މިނިސްޓްރީގެ ފިސްކަލް ސްޓްރެޓެޖީ ރިޕޯޓްގައިވާގޮތުން ބޭސްލައިން ޚަރަދާއ،ި ޚަރަދު ކުޑަކުރުމަށް އަޅާ ފިޔަވަޅުތަކުން ސަލާމަތްކުރެވޭނެ ޢަދަދުތަކާއ،ި ބަޖެޓުގައި ހިމަނާ އައު މަޝްރޫޢުތަކާއި ޕްރޮގްރާމްތަކަށް ބަލައި 2024 ވަނަ އަހަރުގެ ދައުލަތުގެ ޖުމުލަ ބަޖެޓުގެ އަންދާޒާއަކީ 50.6 ބިލިއަން ރުފިޔާއެވެ.
މިއީ މި އަހަރު ބަޖެޓު ހުންނާނެ ކަމަށް ލަފާކުރެވޭ މިންވަރާއި އަޅާބަލާއިރު 5.3 އިންސައްތަ އިތުރު އަދަދެކެވެ.
