އިޤުރާރާއި ޚިލާފުވާ ކަމަށް ވިދާޅުވެ، ކަރެކްޝަނުން ރައީީސް ޔާމީނަށް އިންޒާރު ދެއްވައިފި

އިދިކޮޅު ލީޑަރު، އަދި ކުރީގެ ރައީސް ޔާމީން ޢަބްދުލްޤައްޔޫމްގެ މައްޗަށް އިއްވި 11 އަހަރުގެ ޖަލު ޙުކުމަށް ދިން ލުޔާއިއެކު، އެމަނިކުފާނު ސޮއި ކުރެއްޓި އިޤުރާރާއި ޚިލާފަށް ޢަމަލުތައް ތަކުރާރުކުރާނަމަ އިޤުރާރު ބަދަލުކުރާނެ ކަމުގެ އިންޒާރު މޯލްޑިވްސް ކަރެކްޝަނަލް ސާވިސްއިން މިއަދު ދެއްވައިފިއެވެ.

އެ ހުއްދައިގެ ދަށުން ރައީސް ޔާމީން ވަނީ އެމަނިކުފާނުގެ ސަޕޯޓަރުންނާއި ބައްދަލުކުރައްވަން ފައްޓަވައިފައެވެ.

އެގޮތުން އާދިއްތަ ދުވަހުގެ ރޭ ޕީޕީއެމް ޖަގަހައިގައި ޕީޕީއެމް/ޕީއެންސީގެ ސަޕޯޓަރުންނާއި ބައްދަލުކުރައްވާފައި ވާއިރު، ހޯމަ ދުވަހުގެ ރޭ ވެސް ވަނީ ޕީޕީއެމްގެ އޮފީހުގައި އޮތް ޖަލްސާއެއްގައި ވެސް އެމަނިކުފާނު ވާހަކަފުޅު ދެއްކެވިއެވެ.

މިކަމާ ގުޅިގެން ކަރެކްޝަނަލް ސާވިސްއިން ވިދާޅުވީ ރައީސް ޔާމީން އިޤުރާރާ ޚިލާފަށް އަމަލުތައް ބަލަހައްޓަމުންދާކަން އެ ސާވިސްއަށް ފާހަގަކުރެވިފައިވާ ކަމަށެވެ. އަދި އެ ސާވިސްއާއިއެކު ވެފައިވާ އިޤުރާރާއި އެއްގޮތަށް ޢަމަލުކުރުމަށް ރައީސް ޔާމީނަށް މިއަދު އިންޒާރު ދެއްވައިފައިވާނެ ކަމަށް އެ ސާވިސްއިން ވިދާޅުވިއެވެ.