ޖެންޑާ މިނިސްޓްރީގެ ހާލު ކިހިނެއް ޕްރޮގްރާމުން ހަ އާއިލާއަކަށް އެހީ ދީފި
ޖެންޑާ މިނިސްޓްރީއާއި މަމްސް ޖަމިއްޔާ ގުޅިގެން ހިންގާ "ހާލު ކިހިނެއް؟" ޕްރޮގްރާމްގެ ތެރެއިން މިހާތަނަށް ހަ އާއިލާއަކަށް އެހީތެރިކަން ފޯރުކޮށްދީފައިވާ ކަމަށް ޖެންޑާ މިނިސްޓްރީން ބުނެފި އެވެ.
ޖެންޑާ މިނިސްޓްރީގެ ރަސްމީ އެކްސް އެކައުންޓުން ކުރި ޕޯސްޓެއްގައި ބުނެފައިވާ ގޮތުން އެ އާއިލާތަކަށް އެހީތެރިކަން ފޯރުކޮށްދީ ހާލަތު ރަނގަޅު ކުރުމަށް މަސައްކަތް ކުރަމުންދާ ކަމަށެވެ. އެ މަސައްކަތް ކުރަމުން ދަނީ އެޗްޑީސީއާ ވެސް ގުޅިގެން ކަމަށް ޖެންޑާ މިނިސްޓްރީން ބުންޏެވެ.
ޖެންޑާ މިނިސްޓްރީގެ އިސް ބޭފުޅުންނާއި މަމްސް ޖަމިއްޔާގެ ބޭފުޅުންނާ މިއަދު ބައްދަލު ވެސް ކުރެއްވި އެވެ. އެ ބައްދަލުވުމުގައި މިނިސްޓަރު ޑރ. އައިޝަތު ޝިހާމް ވެސް ބައިވެރިވެވަޑައިގަތެވެ.
ޢާއިލާތަކުގެ ހާލަތު ރަނގަޅު ކުރުމާއި، ފުދުންތެރި ޢާއިލާތައް ބިނާކުރުމަށް މަމްސް އެއިޑްއިން ކުރަމުން ގެންދާ މަސައްކަތްތަކަށް, އެ ބައްދަލުވުމުގައި މިނިސްޓަރު ޝުކުރުއަދާކުރެއްވި ކަމަށް މިނިސްޓްރީން ބުންޏެވެ.
