Thursday, 19 November 2026
Advertisement
MWSC — SmartMeter (leaderboard)
ސަރުކާރު

ޕީއެސްއެމްގެ އެމްޑީގެ މަގާމަށް ސައީދު އައްޔަންކޮށްފި

ޕީއެސްއެމްގެ އެމްޑީގެ މަގާމަށް ސައީދު އައްޔަންކޮށްފި

ޕަބްލިކް ސާވިސް މީޑިއާ (ޕީއެސްއެމް) ގެ މެނޭޖިން ޑިރެކްޓަރުގެ މަގާމަށް މުހައްމަދު ސައީދު ރޭގައި އައްޔަންކޮށްފި އެވެ.

މިކަމާ ގުޅިގެން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ) ބޯޑުން ނެރުނު ބަޔާނުގައި ބުނީ ސައީދު މި މަގާމަށް އައްޔަންކުރީ ދައުލަތުގެ ވިޔަފާރި ތަންތަން ޕްރައިވަޓައިޒްކުރުމާއި ކޯޕްރަޓައިޒްކުރުމާއި އަދި މޮނިޓާކޮށް އިވެލުއޭޓްކުރުމުގެ ޤާނޫނުގެ ދަށުން ކަމަށެވެ.

އަދި ސައީދު ހަމަޖައްސާފައިވަނީ މެނޭޖިން ޑިރެކްޓަރު މަގާމުގެ އިތުރުން ޑިރެކްޓަރުންގެ ބޯޑުގެ މެންބަރުކަމުގެ މަގާމަށް ކަމަށް ބަޔާނުގައި ބުނެފައި ވެއެވެ.

Advertisement
Allied — Dhen Online (box)

ސައީދު މި މަގާމަށް އައްޔަންކޮށްފައިވަނީ ޕީއެސްއެމްގެ މެނޭޖިން ޑިރެކްޓަރުކަމުގެ މަގާމުގައި ހުންނެވި ޒީނާ ޒާހިރު އެ މަގާމުން އިސްތިއުފާ ދިނުމާ ގުޅިގެންނެވެ.

މިދިޔަ ނޮވެންބަރު 28 ވަނަ ދުވަހުގައި އެމްޑީގެ މަގާމަށް އައްޔަންކުރި ޒީނާ އެ މަގާމުން އިސްތިއުފާ ދީފައިވަނީ އިއްޔެގެ ހަވީރު އެވެ. އަދި އިސްތިއުފާ ދިން ސަބަބެއް ވެސް ޒީނާ ވިދާޅުވެފައެއް ނުވެއެވެ.

މި މަގާމާ އަލަށް ހަވާލުވެވަޑައިގެންނެވި ސައީދު ވަނީ 1989 ވަނަ އަހަރުން ފެށިގެން ސަރުކާރުގެ އެކި މަގާމުތައް ފުރުއްވާފައެވެ. އެގޮތުން އެޑިއުކޭޝަން މިނިސްޓްރީގެ ޕަމަނަންޓް ސެކްޓްރީކަމާއި ޑިރެކްޓަ ޖެނެރަލްގެ މަގާމުވެސް ފުރުއްވާފައިވެއެވެ. އަދި މީޑިއާ އޮފިސަރެއްގެ މަގާމުން ފެށިގެން ތައުލީމީ ދާއިރާގެ އެކިއެކި މަގާމުތައް ފުރުއްވާފައިވެއެވެ.

މީގެއިތުރުން ސަރުކާރުގެ މުހިންމު އެކިއެކި ކޮމިޓީތަކާއި އާސަންދަ ކުންފުނީގެ ބޯޑު މެންބަރުކަންވެސް ކުރައްވާފައިވެއެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.