Saturday, 21 November 2026
Advertisement
Ooredoo — Article-Top (leaderboard)
ސަރުކާރު

ރާއްޖޭގެ ފުރަތަމަ ހައްޖު, އުމްރާ ކޮންފަރެންސް ފަށައިފި

ރާއްޖޭގެ ފުރަތަމަ ހައްޖު, އުމްރާ ކޮންފަރެންސް ފަށައިފި

ދިވެހިރާއްޖޭގެ ފުރަތަމަ ހައްޖު އުމްރާ ކޮންފަރެންސް މިއަދު ފަށައިފި އެވެ.

އެންމެ ދުވަހެއްގެ މުއްދަތަށް ކުރިއަށްދާ މި ކޮންފަރެންސް ފަށާފައިވަނީ ހެނދުނު އިސްލާމީ މަރުކަޒުގެ ޖަލްސާކުރާ މާލަމުގައި ބޭއްވި ހާއްސަ ރަސްމިއްޔާތުގަ އެވެ.

އެ ރަސްމިއްޔާތު ޝަރަފްވެރިކޮށްދެއްވާފައިވަނީ ރައީސުލްޖުމްހޫރިއްޔާ ނައިބު ހުސައިން މުހައްމަދު ލަތީފް އެވެ.

Advertisement
Ooredoo — Truecaller (box)

މި ކޮންފަރެންސް ރާވާލާފައިވަނީ ހައްޖާއި އުމްރާއާއި ގުޅޭ ޕެނަލް ޑިސްކަޝަންތަކާއި ކީނޯޓު ސްޕީކަރުންގެ ވާހަކަދެއްކެވުން ހިމެނޭ ގޮތަށެވެ. ޕެނަލް ޑިސްކަޝަންތަކުގައި ހައްޖާއި އުމްރާއާއި ގުޅުންހުރި އެކި މުއައްސަސާތަކުގެ ބޭފުޅުންނާއި، ދީނީ އިލްމުވެރިން ބައިވެރިވާ ގޮތަށް ވަނީ ހަމަޖެހިފަ އެވެ.

އިސްލާމިކް މިނިސްޓްރީން ބުނީ މި ކޮންފަރެންސްގެ މަގުސަދަކީ އުމްރާގެ ހިދުމަތްދޭ ކުންފުނިތަކާއި ކަމާ ގުޅޭ އެހެން ކުންފުނިތަކާއި ކޮންފަރެންސްގެ ތެރެއިން ގުޅުވާލައި، ހައްޖާއި އުމްރާގެ އަޅުކަމާއި ގުޅުންހުރި ހިދުމަތްތައް ފުޅާކޮށް، އުމްރާ ކުންފުނިތަކާއި ވުޒާރާއާއި އޮންނަ ގުޅުން ރަނގަޅުކޮށް، ދީނުގައި ކަނޑައަޅުއްވާފައިވާ ގޮތަށް ހައްޖާއި އުމްރާގެ އަޅުކަން އަދާކުރުމަށް ބޭނުންވާ ދީނީ މައުލޫމާތުތައްދީ މިހާރަށްވުރެ ބޮޑަށް ހޭލުންތެރި ކުރުން ކަމަށެވެ.

މި ރަސްމިއްޔާތުގައި ދިވެހިރާއްޖޭގެ ހައްޖު އަދި އުމްރާގެ ހިދުމަތައް ގިނަ ދުވަސްތަކެއް ވަންދެން ހިދުމަތްކޮށްދެއްވި ތިން ބޭފުޅެއްގެ އަގު ވަޒަންކޮށް ލިޔުމާއި ހަނދާނީ ފިިލާވެސް ދެއްވާފައިވެ އެވެ.

މިއީ ހައްޖާ އުމްރާގެ ނިޒާމު ހަރުދަނާކުރުމަށް މިނިސްޓްރީން ކުރަމުން އަންނަ މަސައްކަތްތަކުގެ ތެރެއިން ކުރިއަށްދާ ކޮންފަރެންސެއް ކަމަށް އެ މިނިސްޓްރީން ވަނީ ފާހަގަކޮށްފަ އެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.