ކޭޝްބެކްގެ މާލީ ރައްކާތެރިކަން މިއަދާއި މާދަމާ ވެސް ލިބޭނެ!
ބޮޑު ކަމެއް ދިމާވެގެން ފައިސާއަށް ބޭނުންޖެހޭ ދުވަހަކަށް ތައްޔާރުވެ، ފައިސާ ރައްކާކުރުމަކީ އަހަރެމެން އެންމެން ވެސް ކުރުމަށް އެދޭ ކަމެކެވެ. އެކަމަކު ފަހަށް ރައްކާކުރުމަކީ އަހަރެމެންނަށް އުނދަގޫ ކަމަކަށްވެ އެވެ. ލިބޭ އާމްދަނީއާއި ކުރަން ޖެހޭ ހަރަދުތަކަށް ބަލާނަމަ ފަހަށް ރައްކާކުރާ ފައިސާ މަދުވުމުން ތަފާތު ގޮންޖެހުންތަކާ ކުރިމަތިލާން ޖެހެ އެވެ. ވަގުތުން ވަގުތަށް ހަރަދެއް ކޮށްލުމަށް ދަތިވެ އެވެ. ގިނަ ސޭވިން ނުވަތަ އިންވެސްޓްމަންޓް ސްކީމްތައް ފަރުމާކޮށްފައި ހުންނަނީ ދިގު މުއްދަތަކަށް ފަހު ނުވަތަ ޕްލޭނު ނިމޭ ހިސާބުން ނޫނީ ފައިދާ ނުލިބޭ ގޮތަށެވެ.
ނަމަވެސް "ކޭޝްބެކް ޕްލޭން" އަކީ ލައިފް އިންޝުއަރަންސްގެ ތެރެއިން ފައިސާގެ ލިކުއިޑިޓީގެ މައްސަލައަށް ވެސް ހައްލުތައް ހޯދައިދޭ ޕްރޮޑަކްޓެކެވެ. އެލައިޑް ލައިފް އިންޝުއަރަންސުން ކޭޝްބެކް ޕްލޭން ފަރުމާކޮށްފައިވަނީ ކުރު މުއްދަތެއްގައި ކުރިމަތިވާ މާލީ ގޮންޖެހުންތަކާ ކުރިމަތިލެވޭ އަދި ފަހަށް ރައްކާ ކުރުމުގެ ފުރުސަތާއި އެކު ޕޮލިސީ ނަގާ ފަރާތާއި އާއިލާގެ ރައްކާތެރިކަންވެސް ކަށަވަރުވާ ގޮތަކަށެވެ.
ކޭޝްބެކް ޕްލޭންތަކުގައި ތަފާތު މުއްދަތުތަކެއް އިހްތިޔާރުކުރެވެ އެވެ. އެއީ 12 އަހަރު، 15 އަހަރު، 20 އަހަރު ނުވަތަ 25 އަހަރެވެ. އަދި އެ މުއްދަތުގައި ފަހަށް ރައްކާކުރުމަށް އަމާޒުކުރެވޭނެ އެންމެ ދަށް މިންވަރަކީ ނުވަތަ "އެޝުއާޑް ސަމް" އަކީ 100،000 ރުފިއާ އެވެ. އަދި އެ ސަމް އެޝުއާޑް އަށާއި ޕޮލިސީ ނަގަން އިހްތިޔާރުކުރާ މުއްދަތަކަށް ބިނާކޮށް ކޭޝްބެކް ޕްލޭނުން ލިބޭ ފައިދާތައްވެސް ކުރިއަށް ދާނެ އެވެ.
އެލައިޑްގެ "ކޭޝް ބެކް ޕްލޭން"ގައި އެ 3 ކަންތައް ކަށަވަރުވަނީ ތިރީގައި މިވާ ގޮތަށެވެ:
- ލިކުއިޑިޓީ: ޕޮލިސީ ހިނގާ މުއްދުތުގެ ތެރޭގައި ތަފާތު މުއްދަތުތަކަކަށް ބަހާލައިން ޕޮލިސީގެ ވަކި އިންސައްތައެއް ނެގޭނެ އެވެ. މިސާލަކަށް 20 އަހަރުގެ ޕްލޭނެއްގެ 8 ވަނަ އަހަރު "އެޝުއާޑް ސަމް"ގެ 10 ޕަސަންޓު، 12 ވަނަ އަހަރު "20 ޕަސަންޓު" އަދި 16 ވަނަ އަހަރު "30 ޕަސަންޓު" ނެގޭނެއެވެ. މަގްސަދަކީ ޕޮލިސީ ހިނގާ މުއްދަތުގެ ތެރޭގައިވެސް ޕޮލިސީން ފައިދާވުމެވެ.
- ފަހަށް ރައްކާކުރުން: ޕޮލިސީ ނިމުމުން ޕޮލިސީ ހިނގި މުއްދަތުގެ ތެރޭގައި ނަގާފައިވާ އަދަދު އުނި ކުރުމަށްފަހު ބޯނަސް އާއެކު ގަނޑުކޮށް ފައިސާގެ އަދަދެއް ލިބޭނެ އެވެ. މިސާލަކަށް 20 އަހަރުގެ ޕްލޭންގައި ކަނޑައެޅިފައިވާ ފައިދާތައް ނެގުމަށް ފަހު ބާކީ "40 ޕަސަންޓު" އަދި 20 އަހަރަށް ގުނަކުރެވިފައިވާ ބޯނަސް ލިބޭނެ އެވެ.
- ރައްކާތެރިކަން: ޕޮލިސީ ހިނގާ މުއްދަތުގެ ތެރޭގައި ޕޮލިސީ ނެގި ފަރާތް ނިޔާވެއްޖެ ހާލަތެއްގައި "އެޝުއާޑް ސަމް"ގެ ގޮތުގައި ކަނޑައަޅާފައިވާ އަދަދާއި އެކު ޕޮލިސީގެ ޖުމްލަ މުއްދަތަށް ގުނަކުރެވިފައިވާ ބޯނަސް ލިބިގެންދާނެ އެވެ.
ކޭޝް ބެކް ޕްލޭނަކީ ފަހަށް ރައްކާކުރުމާއެކު، ތައުލީމު ނުވަތަ އެހެން ވެސް މުހިންމު ސަބަބަކަށްޓަކައި ގަވައިދުން އާމްދަނީއެއް ބޭނުންވާ ފަރާތްތަކުން ގަންނަން ރަނގަޅު ޕްލޭނެކެވެ. އެ ޕްލޭނުން ސޭވިންގްސްގެ އިތުރުން ލިކުއިޑިޓީއަށް ވެސް ހައްލުތަކެއް ހޯދައިދޭތީ، ހަގީގަތުގައި ވެސް ބޭނުންތެރި އިންތިޒާމެކެވެ.
އެލައިޑް އިންޝުއަރަންސްގެ ވެބްސައިޓުން ކޭޝް ބެކް ޕްލޭނާ ބެހޭ އިތުރު މައުލޫމާތު ލިބޭނެ އެވެ. އަދި ޕްލޭނެއް ގަތުމަށް، ވެބްސައިޓުގައިވާ ޕްރޮޕޯޒަލް ފޯމު ފުރުމަށްފަހު ކުރިއަށް ގެންދެވޭނެ އެވެ.
