ތިނަދޫ އެކްސިޑެންޓުގައި އަނިޔާވި މީހާ މަރުވެއްޖެ
ތިނަދޫ ސިޓީގައި މިދިޔަ އޭޕްރީލް މަހު ހިނގި އެކްސިޑެންޓުގައި އަނިޔާވި އަންހެން މީހާ މިއަދު މަރުވެއްޖެ އެވެ.
Ads by MPL
މިދިޔަ އޭޕްރީލް މަހުގެ 27 ވަނަ ދުވަހު ކާރަކާއި ސައިކަލެއް ޖެހިގެން ހިނގި އެ އެކްސިޑެންޓުގައި އަނިޔާވީ ސައިކަލު ދުއްވަން އިން 31 އަހަރުގެ ދިވެހި އަންހެނަކަށެވެ. އަދި ހަމަ އެ ދުވަހުގެ ރޭ އޭނާ އިތުރު ފަރުވާއަށް މާލެ ގެނެސް ދިޔައީ ފަރުވާ ދެމުން ނެވެ.
ފުލުހުން މިއަދު މީޑިއާތަކާ ހިއްސާކުރި މެސެޖުގައި ބުނީ އެ އަންހެން މީހާއަށް ފަރުވާ ދެމުން ދަނިކޮށް މިއަދު މަރުވެފައިވާ ކަމަށެވެ.
އެ އަންހެން މީހާގެ ސިކުނޑީގެ އޮޕަރޭޝަނެއް ކުރުމަށް ފަހު، އިންފެކްޝަން އުފެދިގެން އިތުރަށް މިދިޔަ މޭ މަހު ހާލު ގޯސްވެސްވި އެވެ.
އެ އެކްސިޑެންޓާ ގުޅިގެން ކާރު ދުއްވަން އިން މީހާ ފުލުހަށް ހާޒިރުކޮށް ސުވާލުކޮށްފައިވާ ކަމަށް ފުލުހުން ކުރިން ބުނެފައިވެ އެވެ
Ads by HDC
