ކޮވިޑް-19: ކަނޑިންމަ ރިސޯޓުން އިތުރު 4 މީހުން ފައްސިވެ ޖުމްލަ އަދަދު 50 އަށް

ދ.ކަނޑިންމަ ރިސޯޓުން ކޮވިޑް-19 އަށް އިތުރު ހަތަރު މީހުން ފައްސިވެ، ޖުމްލަ އަދަދު 50 އަށް އަރައިފިއެވެ.

Ads by Hajj Corporation

ހެލްތު އެމަޖެންސީ އޮޕަރޭޝަންސް ސެންޓަރ (އެޗްއީއޯސީ) އިން މިރޭ ބޭއްވި ނޫސްވެރިންގެ ބައްދަލުވުމުގައި އެސެންޓަރުގެ ތަރުޖަމާން ޑރ. ނަޒްލާ ރަފީޤް ވިދާޅުވީ ކަނޑިންމަ ރިސޯޓުން އިތުރު ހަތަރު މީހަކު ފައްސިވެ އެ ރިސޯޓުން ފައްސިވީ މީހުންގެ ޖުމްލަ އަދަދު 50 އަށް އަރާފައިވާ ކަމަށެވެ.

އެރިސޯޓުން ފުރަތަމަ ފައްސި ވެފައިވަނީ އާދަމް ނަސީރު ކިޔާ އުމުރުން 60 އަހަރުގެ ދިވެއްސެކެވެ. އޭނާގެ ބަލިހާލަތު ދަށްވެ ދ. އަތޮޅު ހޮސްޕިޓަލުގައި ފަރުވާ ދެމުން ދަނިކޮށް ވަނީ ނިޔާވެފައެވެ. ކޮވިޑްގެ އަލާމާތްތައް ހުރުމުން، ޓެސްޓު ކުރުމުން، އޭނާ އެބައްޔަށް ފައްސިކަން އެނގިފައި ވަނީ ނިޔާވި ފަހުންނެވެ.