ޖިންނި ޝައިޠާނުން ދިރިއުޅޭ ތަންތަނަށް ހޫނުފެން އަޅަންވާނެތަ؟
ޖިންނި ޝައިޠާނުންނަކީ ޢާންމުކޮށް ހަޑި ނުވަތަ ނުޠާޙިރު ތަންތަނުގައި ދިރިއުޅޭ އެއްޗެހިތަކެއް ކަމަށް ގިނަ ބަޔަކު ބުނެއެވެ.
އެގޮތުން ސިންކު ހޮޅީގައާއި ފާޚާނާ ތަށި ތެރޭގައިވެސް އުޅޭކަމަށް ވެއެވެ. އެހެންކަމުން އެތަންތަނަށް ހޫނުފެން އަޅަން ވާނެކަމަށް އެއްބަޔަކު ބުނަމުން އައިސްފައިވާއިރު، އަނެއްބަޔަކު ބުނަނީ އެތަންތަނަށް ހޫނުފެން އަޅަން ނުވާނެ ކަމަށެވެ.
މިކަމާއި ގުޅޭގޮތުން ސައުދީ އަރަބިއާގެ އަލް-ޚޯބަރް އަށް އުފަން މަޝްހޫރު ދީނީ ޢިލްމުވެރިޔާ ޝެއިޚް އާސިމް ޙަކީމް އަރިހުން މީހަކު ސުވާލެއް ކޮށްފައިވެއެވެ.
ސ. "ކެކިކެކި ހުރި ހޫނުފެން، ސިންކަށާއި ފާޚާނާ ތަށްޓަށް އަޅަން ނުވާނެ ކަމަށް ބުނެފައިވާ ވާހަކައެއް އަހުރެން ކޮންމެވެސް ތަނަކުން ކީމެވެ. އެއީ އެތަންތަނުގައި ޖިންނީންނާއި ޝައިޠާނުން ދިރިއުޅޭތީ އެމަޚްލޫޤުންނަށް އަނިޔާވާނެތީ ކަމަށް ވެސް ބުނެފައިވެއެވެ. މިއީ ތެދެއްތޯއެވެ؟ ސަބަބަކީ ބައެއް ފަހަރު ހޮޅިތައް ބެދުމުން، އެކަން ރަނގަޅު ކުރަން ވެސް ބައެއް މީހުން ހޫނުފެން އަޅާތީއެވެ. މިކަމާއި ގުޅޭގޮތުން އެއްވެސް ހެއްކެއް، ޙަދީޘެއް ވޭތޯއެވެ؟"
ޖ. "އެނގިފައެއް ނެތެވެ. ނަމަވެސް ބިމުގައި ހުންނަ ވަޅުގަނޑަށާއި، ފަޅައިގެން ގޮސްފައި ހުންނަ ތަންތަނަށް ކުޑަކަމު ނުދިޔުމަށް އަންގަވާފައި ވެއެވެ.
ބައެއް މީހުން މިކަމާއިމެދު މިސާލެއްގެ ގޮތުން ސައުދު ބިން ކައުބް (ރަޟިއަﷲ އަންހް) އަވަހާރަވުމުގެ ވާހަކަ ވެސް ނަގައެވެ.
ސިޔަރަތުގައިވާ ގޮތުގައި، ސައުދު އަވަހާރަ ކޮށްލީ، އެކަލޭގެފާނު އެކަން ކުރުމުން (ކުޑަކަމު ގޮސްގެން ނުވާނެ ތަނަކަށް، ކުޑަކަމު ދިޔުމުން) ޖިންނިއެކެވެ.
ސިންކަށާއި ފާޚާނާ ތަށްޓަށާއި ބިމުގައި ހުންނަ ވަޅުގަނޑުގަނޑާއި ރެނދުތަކަށް ހޫނުފެން އަޅައިގެން ނުވާނެ ކަމަށް ބުނެ އެއްވެސް ސައްޙަ ޙަދީޘެއް އެނގިފައި ނުވި ނަމަވެސް، ގިނަ ޢިލްމުވެރިންނާއި އަޅުގަނޑު ވެސް ނަސޭޙަތްތެރިވާނީ އެފަދައިން ހޫނުފެން އެޅުމުގެ ކުރިން بسم الله الرحمن الرحيم ކިޔުމަށެވެ. އެއީ ޖިންނީންނަށް ވެސް ކުރީބައިގައި އިންޒާރު ދިނުމަށެވެ. ޖިންނީންނަކީ ވެސް އަނިޔާވާނެ ބައެކެވެ.
އެހެންނޫނަސް ކޮންމެ ކަމެއް ކުރުމުގެ ކުރިން ވެސް بسم الله ކިޔުމަކީ ނުހަނު އެދެވިގެންވާ ކަމެކެވެ.
ސިންކަށާއި ފާޚާނާ ތަށްޓަށް ހޫނުފެން އެޅުމަކުން އެއްވެސް މައްސަލައެއް ނެތެވެ. ނަމަވެސް އެޅުމުގެ ކުރިން بسم الله ކިޔަން އާދަކުރާށެވެ."
ނަމަވެސް ބިސްމި ކިޔަންވާނެބާ ފާޚާނާ ތެރޭ. އެނގިފަ އޮތް ގޮތުން ކިޔައިގެން ނުވާނެ. ޖަވާބެއް ދެއްވުން އެދެން
ކަކުބުނެގެންބާފާހާނާތަށިތެރެޔަށް އެރިއޮންނަނި ބޮލައްގުއިރުނަކަސް އޯކެދޯ