ކުއްޖަކާ ރައްޓެހިވެގެން އުޅޭ ފިރިހެނުންނަށް: ނަމަނަމަ މިކަންކަން ނުކުރާތި، ގުޅުން ކެނޑިދާނެ
ލޯބީގެ ގޮތުން މީހަކާ ރައްޓެހިވެގެން އުޅޭއިރު އެނގެން ޖެހޭ ބައިވަރު ކަންތައްތައް އެބަހުއްޓެވެ. އޭގެ ތެރޭގައި އަންހެނުން ބޮޑަށް ސަމާލުކަން ދޭން ޖެހޭ ކަންކަމާއި ފިރިހެނުން ބޮޑަށް ސަމާލުކަން ދޭން ޖެހޭ ކަންތައްތައް ހިމެނެއެވެ.
ބައެއް ފަހަރަށް ލޯބިވެރިޔާ ހިތްހަމަ ނުޖެހޭ ކަންތައްތައް ފިރިހެނުން ކޮށް އުޅެއެވެ. ނަމަވެސް އެފަދަ ކަންކަމަކީ އެކަންކަން ކުރުމުން ދެމީހުންގެ ދޭތެރޭގައި އޮންނަ ގުޅުން ހީނަރުވެ ގުޅުން ކެނޑިދާނެ ކަންކަމެވެ. އެހެންކަމުން މި ލިޔުމުގައި ބަލައިލާނީ އެފަދަ ބައެއް ކަންކަމަށެވެ.
1- މާގިނައިން ގުޅާ މެސެޖު ކުރުން
ލޯބީގެ ގޮތުން ގުޅި މާ ގިނަ ދުވަސްތަކެއް ނުވަނީސް ވެސް އަންހެން ކުއްޖާ ކުރާ ހުރިހާ ކަމެއް އެނގެން ބޭނުން ވެގެން އުޅޭ ފިރިހެނުން މަދެއް ނޫނެވެ. ދެމިނެޓުން އެއް މިނެޓު އޭނާއަށް ގުޅާ އޭނާ ކުރަނީ ކީއްތޯ ބަލައި އޭނާ އުޅެެނީ ކޮންތާކުތޯ ބަލައި ހަދައެވެ. އަދި ވަރަށް ގިނައިން އޭނާގެ މީސްމީޑިއާގެ އެކި ޕްރޮފައިލްތައް ބަލާ ހަދައެވެ. މާ ގިނައިން ގުޅާ އަދި މާ ގިނައިން މެސެޖުކޮށް ހެދުމަކީ ބައެއް އަންހެން ކުދިން އެކަމާ ހިތްހަމަ ނުޖެހިދާނެ ކަމެކެވެ. އޭނާ އެއް ފަހަރު ގުޅުމުން ފޯނު ނުނެގިޔަސް ގިނައިން ގުޅާ ނުހަދާށެވެ. ފޯނު ނުނެގިދާނެ ހާލަތްތަކެއް އައިސްދާނެކަން ހަނދާން ކުރާށެވެ. އެހެން ކަމުން ފޯނު ނުނެގިޔަސް އަދި މެސެޖަށް ރިޕްލައި ނުކުރި ކަމުގައި ވިޔަސް އޭނާއަށް އުނދަގޫ ވާވަރަށް މާ ގިނައިން ގުޅާ މެސެޖުކޮށް ނުހަދާށެވެ.
2-ފާރަލުން
ލޯބިވެެރިޔާ އުޅެނީ ކޮންތާކު ކޮންބަޔަކާއެކު ތޯ އެނގުމަކީ ތިބާ ބޭނުން ވެދާނެ ކަމެކެވެ. އަދި އެކަން ކުުރުމުގެ ގޮތުން ތިބާ އޭނާގެ މީސްމީޑިއާ ޕްރޮފައިލްތައް ހޭވުމަކީ އެކަށީގެންވާ ކަމެކެވެ. ނުވަތަ އޭނާ އުޅޭތަނެއް ހޯދައިގެން އެތަނަކަަަށް ނުވަތަ އެތަނުގެ ކައިރި ތާކަށް ދިއުމަކީ އެކަށީގެންވާ ކަމެކެވެ. ތިބާ މިކަމަށް "ފާރަލުން" ނުކިޔަފާނެއެވެ. ނަމަވެސް ހަގީގަތުގައި އަންހެން ކުއްޖާއަށް އިހްސާސް ވާނީ ތިބާ ފާރަލަނީ ކަމުގައެވެ. އަދި އެކަމަކީ އަންހެން ކުދިން އެހާ ހިތްހަމަ ޖެހޭ ކަމެއް ނޫނެވެ. އެހެން ކަމުން ފާރަލުމަކީ ތިބާގެ ލޯބީގެ ގުޅުން ނިމުމުގެ ސަބަބު ކަމުގައި ނުހަދާށެވެ.
3- އޭނާގެ ކަންކަމަށް ބަސް ކިޔުން
ކޮންމެ މީހެއްގެ ވެސް "ޕާރސަނަލް" ކަންތައްތަކެއް ހުންނާނެކަން ޔަގީނެވެ. ރައްޓެހިވެގެން މާ ގިނަ ދުވަސްތަކެއް ނުވެ އޭނާގެ ހެދުން އެޅުމާއި، އޭނާ އެކުގައި އުޅޭ މީހުންނާ މެދު ތިބާ ބަސް ކިޔަން ފެށުމަކީ އޭނާ އެހާ ގަޔާވާ ކަމަކަށް ނުވެދާނެއެވެ. ތިބާ އޭނާ ދަށް ކޮށްލާ ކަމަށް އޭނާއަށް އޭރުން އިހްސާސް ކުރެވިދާނެއެވެ. އަދި އޭނާއަށް އެއްވެސް މިނިވަން ކަމެއް ނެެތް ކަމަށް ވެސް އޭނާއަށް ގަބޫލު ކުރެވިދާނެއެވެ.
މިފަދަ ކަންކަމަކީ މީހަކާ ރައްޓެހިވެގެން އުޅޭ ފިރިހެނުން ވަރަށް ބޮޑަށް ވެސް ވިސްނަން ޖެހޭ ފަދަ ކަންކަމެވެ. މި ފަދަ ކަންކަން ގުޅުމުގެ މާ ކުރީކޮޅު ކުރަން ފަށައިފި ނަމަ ދެމީހުންގެ ދެމެދުގައި އޮތް ގުޅުން ނިމެން މާ ގިނަ ދުވަސްތަކެއް ނުނެގުން އެކަށީގެން ވެއެވެ.
ރައްޓެހި ވެގެން އުޅުމަކީ އިސްލާމުން ކުރުން ރަނގަޅު ކަމެއް ނޫން……