މޫދަށް އެރި އުޅުނު ޗައިނާ ޓޫރިސްޓަކު ގެނބިގެން މަރުވެއްޖެ

ބ. އަތޮޅުގެ ޑްރީމްލޭންޑް ރިސޯޓުގައި މޫދަށް އެރި އުޅުނު ޗައިނާ ޓޫރިސްޓަކު ގެނބިގެން މަރުވެއްޖެ އެވެ.

Ads by Sosun Fihaara

ފުލުހުންގެ އޮފިޝަލަކު ވިދާޅުވީ މި ހާދިސާގައި މަރުވެފައިވަނީ ޗައިނާ އަށް ނިސްބަތްވާ އުމުރުން 67 އަހަރުގެ ފިރިހެނެއް ކަމަށެވެ.

މި ހާދިސާ ހިނގުމާއެކު ދަރަވަންދޫ ހެލްތް ސެންޓަރަށް މިއަދު މެންދުރު 15:21 ހާއިރު އޭނާ ގެންދިޔަ ކަމަށާއި އޭނާ މިހާރު މަރުވެފައިވާ ކަމަށް ހޮސްޕިޓަލާ ހަވާލާދީ އޮފިޝަލް ވިދާޅުވިއެވެ.

ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.