ފޮޓޯ ސްޓޯރީ: ކޮޅުފުށީ ދަނޑުތަކުން ހީވާގި ދިވެހީން

1،485 މީހުންގެ އާބާދީއެއްގެ ވެރި، ކޮޅުފުށީގައި 900 މީހުން ދިރިއުޅޭ. 61.1 ހެކްޓަރުގެ މި ރަށުން ދަނޑުވެރި ކަމަށް ހާއްސަކޮށް 30 ބިން ވަނީ ދޫކޮށްފައި.

ރަށު ކައުންސިލުން ދަނޑުވެރިކަން ކުރުމަށް ދޫކޮށްފައިވާ ބިންތައް ވަނީ ވަކިވަކިން ބައިކޮށްފައި. ކޮންމެ ބައެއްގައި އެ ބަޔަކު ބޭނުންވާ ބާވަތްތަކެއްގެ ތަކެތި ހެއްދުމުގެ އިހުތިޔާރު ވަނީ ދީފައި.

ދަނޑުތަކުގައި ހައްދަމުން އަންނަ ބާވަތްތަކުގެ ތެރޭގައި މިރުސް، ޕެޝަން ފުރުޓް، ތޮރާ، ކަރާ، އަލަނާސި ހިމެނޭ. މޭބިސްކަދުރުގެ އިތުރުން ޑްރެގަން ފުރުޓް ހައްދާ ދަނޑުވެރިއަކު ވެސް އުޅޭ.

ކޮންމެ ދަނޑަކުން ވެސް ފެންނަނީ ސީދާ ރަށު މީހުން. ބައެއް ކުދި މަސައްކަތްތައް ކުރަން، ކުޑަ އުޖޫރައެއް ދީފައި ބިދޭސީއަކު ވެސް ނުގެންގުޅޭ. ދަނޑުވެރި ކަމަށް ކޮޅުފުށީގައި އޮތް ފޯރި މިއިން ވެސް ހިތަށް ވަޒަންކޮށްލެވުނު.

ދިވެހި ދަނޑުވެރިއަކު ގަހަކަށް ފެން ދެނީ:

ދަނޑުވެރިކަމަކީ ބުރަބޮޑު ބަރު ކަމެއް. ދަނޑު ތައްޔާރު ކުރުމަށާއި ކާނާ އެޅުމަށާއި ފެން ދިނުމަށް ހޭދަކުރަން ޖެހޭ ވަގުތު ގިނަ. ބައްޔެއް ޖެހިއްޖެ ނަމަ ދެނެގަނެ، އެ ކަމަށް ބޭނުންވާ ފަރުވާ ހޯދަން ވެސް އުޅެން ޖެހޭ.

ދަނޑުވެރިއަކު ތޮރައެއް ބިންނަނީ:

މީހަކު ދަނޑިއެއް ބުރި ކުރަނީ: ވެޔޮ އަރުވަން ދަނޑި ކަނޑައިގެން އަށިފަދަ ތަކެތި ހަދަން ދަނޑީގެ ބޭނުންކުރޭ.

ދިވެހި ދަނޑުވެރިއަކު ގަހަކަށް ފެން ދެނީ: ގަސް އިންދައި، ހައްދައި، އޭގެން ނަފާ ހޯދައި، ކުރާ މަސައްކަތް ދެމެހެއްޓެނިވި ގޮތަކަށް ކުރިއަރުވަން ގަވާއިދުން ހުއްޓުމެއް ނެތި ކުރަން ޖެހޭ ކަންކަން ހަމަ އެހާމެ ގިނަ.

ދަނޑުވެރިކަމުގެ މަސައްކަތް ބައެއް މީހުން ކުރަނީ އާމްދަނީ ހޯދަން ކުރާ މަސައްކަތެއްގެ އިތުރުން ހިތްހަމަޖެހުން ހޯދުމަށް ކުރާ ކަމެއްގެ ގޮތުގައި.

އިސްލާމް ސޯ ރިޔާޒު ހައްދާ ޑްރެގަން ފްރުޓް