ފޮޓޯ ސްޓޯރީ: ތަރުތީބާއި ފެހި ކަމަށް ލޯބިކުރާ ކޮޅުފުށި

ރަށުގެ މައި މަގު: ބަނދަރާވީ ފަޅިން މުޅިންމެ ރުއްގަސް ފެންނައިރު، މަގު ދެބައި ކޮށްފައި ވަނީ ކޮޅާކޮޅު ނުފެންނަ ވަރަށް އިންދާފައިވާ ކަދުރު ރުއްތަކުން.

ރަށު ކައުންސިލުގެ އިދާރާ: ފެހި ކުލައިގެ އިމާރާތަށް އިތުރު ފުރިހަމަ ކަމެއް ގެނުވަނީ ގޯތިތެރޭގައި ހައްދާފައިވާ ގަސްތަކާއި އެ ގަސްތަކުގައި ފަރިވެ ފޮޅިފައިވާ މާތަކުން.

ރަށުތެރޭގެ މަގެއް: މަގުތައް ތަރުތީބު މި ރަށުގެ ގިނަ ގޭގޭގެ ތެރެއިން ވެސް ފެންނަނީ ފެހިކަން.

ގައުމީ ދިދަ އާއެކު ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުގެ ދިދަ ވަޔާ ވިހުރެނީ: ކޯޓު އިމާރާތުގެ ބޭރުން ފެހިކަމުގެ ތެރެއިން ފެންނައިރު ވަރަށް ނަލަ.

ރަށުގެ ބަނދަރާއި ރަށު ތެރެ ވަކިކޮށްދޭ ފާރު: ބަނދަރުމަތިން ގިނަ އަދަދަކަށް ރުއްގަސް ފެންނައިރު، އިތުރު ހިތްގައިމު ގެނެސްދެނީ އެ ސަރަހައްދާއި ރަށު ތެރެ ވަކިކޮށްދޭން މައި މަގާ ގުޅޭ ހިސާބުން ތިރިތިރިކޮށް ރާނާފައިވާ މި ފާރުތަކުން.

ސްކޫލު އިމާރާތް: އިމާރާތުގައި ބޭނުންކޮށްފައިވާ ކުލައެކޭ އެއްގޮތަށް ގޯތި ތެރެއިން ވެސް ފެންނަނީ ފެހިކަން.

ރުއްތަކެއްގައި ކުރުނބާ އަޅާފައި: ރަށުގެ އެކި ސަރަހައްދުތަކުންނާއި ގޭގޭގެ ގޯތިތެރެއިން ފެނުނު ވަރަށް އާންމު މަންޒަރެއް.

ރަށުތެރެ ސާފު ކުރުމުގައި ބަޔަކު ހަރަކާތްތެރިވަނީ: ރޯދަ މަހަށް ތައްޔާރުވުމުގެ ގޮތުން ކުރިއަށް ގެންދިޔަ ސާފު ކުރުމުގެ ހަރަކާތުގައި މުއައްސަސާތަކުގެ މުވައްޒަފުންގެ އިތުރުން ގިނަ އަދަދެއްގެ އާންމުން ބައިވެރިވި.

ހައުސިން ޔުނިޓުތަކެެއް: ތަރުތީބު ޔުނިޓުތަކަށް އިތުރު ފުރިހަމަ ކަމެއް ގެނުވަނީ އިމާރާތްތަކުގައި ލާފައިވާ ފެހި ކުލައިން. ފެހި ކުލައަކީ ރަށަށް ހާއްސަ ކުލައެއް ފަދަ.

ރުއްގަހުން އުފެދޭ ކުނި އެޅުމަށް ހާއްސަ ކުރެވިފައިވާ ސަރަހައްދު: މަގުތައް ރީތިކޮށް ބޭއްވުމަށާއި ވަކި ތަރުތީބަކުން ކަންކަން ކުރުމަށް ރަށުގެ އާންމުން ލޯބި ކުރާކަން މިކަމުން ވެސް ދޭހަކޮށްދޭ.