ޚަބަރު

ގުޅިފަޅުން ފެނުނީ އެފްކޮންްސްގެ މުވައްޒަފެއްގެ ހަށިގަނޑު: ފުލުހުން

ފަތޯނާ ފާއިޒު ، ދެން އޮންލައިން

ތިލަމާލޭ ބުރިޖު މަޝްރޫއު ހިންގާ އިންޑިއާގެ އެފްކޮންސްގެ މުވައްޒަފުން ގުޅިފަޅުގައި އުޅެމުންދިޔަ އެކޮމަޑޭޝަން ބުލޮކްގައި ހިނގި އަލިފާނުގެ ހާދިސާއަށްފަހުގައި, އެ ތަނުން ފެނުނު އިންސާނެއްގެ ހަށިގަނޑަކީ އިންޑިއާއަށް ނިސްބަތްވާ، އެފްކޮންސްގެ މުވައްޒަފެއްގެ ހަށިގަނޑުކަން ކަށަވަރު ކުރެވިފައިވާ ކަމަށް ފުލުހުން މިއަދު ވިދާޅުވެއްޖެއެވެ.

Ads by Hajj Corporation

ގުޅިފަޅުގައި އެފްކޮންސްގެ މުވައްޒަފުން ތިބޭ އެކޮމަޑޭޝަން ބުލޮކްގައި އަލިފާނުގެ ހާދިސާ ހިނގައިފައިވަނީ މިދިޔަ ޑިސެމްބަރު 15 ގައެވެ. އެ ތަނުގައި އެފްކޮންްސްގެ 457 މުވައްޒަފުން އުޅެމުން ދިޔައެވެ.

އެ ހާދިސާގައި މީހަކު ގެއްލިގެން ހޯދަމުން ދަނިކޮށް ދެ  އިންސާނެއްގެ ހަށިގަނޑުގެ ބައިތަކެއް ފެނުނެވެ. އެބައިތަކުގެ ޑީއެންއޭ ވަނީ ހަދައިފައެވެ.

ފުލުހުން މިއަދު ވިދާޅުވީ އެ ތަނުން ފެނުނު ހަށިގަނޑަކީ އަލިފާނުގެ ހާދިސާއަށްފަހު ގެއްލުނު މީހާގެ ހަށިގަނޑުކަން ކަށަވަރު ކުރެވިފައިވާ ކަމަށާއި، އެ ހަށިގަނޑު އާއިލާއާ ހަވާލު ކުރުމަށް މި ހަފުތާގައި އިންޑިއާއަށް ފޮނުވާފައިވާ ކަމަށެވެ.

ގުޅިފަޅުގައި ހިނގި އަލިފާނުގެ ހާދިސާގައި 78 މުވައްޒަފަކަށް އަނިޔާވެގެން ހޮސްޕިޓަލަށް ގެންގޮސްފައިވާއިރު، އޭގެތެރެއިން 32 މީހުންނަށް އެޑްމިޓްކޮށްގެން ފަރުވާ ދީފައިވެއެވެ. އަދި 4 މީހެއް އޮޕަރޭޝަން ކޮށްފައިވެއެވެ.

Ads by HDC

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!