އަމީރު ވިދާޅުވެދެއްވީ ދަރަނި ރީ ސްޓްރަކްޗަރ ކޮށްފިނަމަ ވާނެ ގެއްލުން
ދައުލަތުގެ ދަރަނި ރީ ސްޓްރަކްޗަރ ކުރަން، ސަރުކާރާ ދެކޮޅު މެމްބަރުން ގޮވައިލައްވަމުން އަންނައިރު، އެކަމުގެ ސަބަބުން ދައުލަތަށާއި ވިޔަފާރިތަކަށް ލިބިދާނެ ގެއްލުން ފިނޭންސް މިނިސްޓަރު އިބްރާހީމް އަމީރު ވިދާޅުވެދެއްވައިފިއެވެ.
މިނިސްޓަރު ވަނީ ދަރަނި ރީ ސްޓްރަކްޗަރ ކުރުމަކީ ބޭރުން ފައިސާ ލިބުން ދަތިވާނެ ކަމެއް ކަމަށް ވިދާޅުވެފައެވެ.
މިނިސްޓަރު އަމީރު މިހެން ވިދާޅުވީ މާފަންނު މެދު ދާއިރާގެ މެމްބަރު އިބްރާހީމް ރަޝީދު(ބޮންޑެ) ކުރެއްވި ސުވާލަކަށް ލިޔުމުން ފޮނުއްވި ޖަވާބުގައެވެ.
"އެހެންކަމުން، ދައުލަތުގެ ދަރަނި ހަމަ މަގަށް އެޅުވުމަށް އެންމެ ރަނގަޅު މަގަކީ ދައުލަތުގެ ހަރަދު ކުޑަކޮށް، އާމްދަނީ އިތުރު ކުރުމެވެ،" އަމީރު ވިދާޅުވިއެވެ.
ދަރަނި ރީ-ސްޓްރަކްޗާކުރުމުގެ ވާހަކަ ރައީސް މުޙައްމަދު ނަޝީދުގެ ފެކްޝަނުން ތަކުރާރުކޮށް ދައްކަވައެވެ.
ސަރުކާރުގެ ދަރަނި ރީ ސްޓްރަކްޗަރ ކުރަން ރައްޔިތުންގެ މަޖިލީހުން ދިން ލަފަޔާ އެއްގޮތަށް އަމަލު ކުރަަން ގޮވައިލައި، ގަލޮޅު އުތުރު ދާއިރާގެ މެމްބަރު އީވާ މިދިޔަ މަހު މަޖިލީހަށް ޤަރާރެއްވެސް ހުށަހެޅުއްވިއެވެ.
Ads by STO
