ގާޒީ ބިލްޑިން ތަޅައިލަނީ
ސަރުކާރުގެ ބައެއް އޮފީސްތައް މިހާރު ވެސް ހިންގަމުން އަންނަ ގާޒީ ބިލްޑިން ތަޅައިލައި، އެތަނުގައި ޕާކިން ޒޯނެއް ހަދަން ނިންމައިފިއެވެ.
Ads by Sosun Fihaara
މިކަމާ ގުޅޭގޮތުން ޕްލޭނިން މިނިސްޓްރީން މިއަދު ވިދާޅުވީ، އިމާރާތް ތަޅައިލަން ނިންމީ، އެތަން މާ ބޮޑަށް ބާވުމުން ކަމަށާއި، އެ އިމާރާތުގައި ހިންގަމުން އައި އޮފީސްތައް ބަދަލު ކުރުމުގެ މަސައްކަތް ވެސް ކުރަމުން އަންނަ ކަމަށެވެ.
ޕްލޭނިން މިނިސްޓްރީން ވިދާޅުވީ، މި އަހަރުގެ ޖޫންމަހު ގާޒީ ބިލްޑިން ތަޅާލައި ނިންމައިލެވޭނެ ކަމަށެވެ. ގާޒީ ބިލްޑިން ތަޅައިލަން ނިންމިއިރު، އޮޑިޓަރ ޖެނެރަލްގެ އޮފީހާއި، މޯލްޑިވްސް ކަރެކްޝަނަލް ސަރވިސް ހިންގަމުން އަންނަނީ، އެ އިމާރާތުގައެވެ.
މީގެ ކުރިން ވަނީ ހުރަވީ ބިލްޑިން ވެސް ތަޅައިލައި، އެ ތަނުގައި ވެސް ޕާކިން ޒޯނެއް ހަދައިފައެވެ.
Ads by Allied Insurance
