ފުވައްމުލަކުގައި 400 މީހުންގެ ޖާގައިގެ މިސްކިތެއް އަޅަނީ
ފުވައްމުލައް ސިޓީގައި 400 މީހުންގެ ޖާގައިގެ މިސްކިތެއް އެޅުމަށް އެއްބަސްވުން އެކުލަވައިލައިފިއެވެ.
މިކަމާ ގުޅޭ އެއްބަސްވުމުގައި ސޮއި ކުރެއްވީ މިއަދުއެވެ.
އިސްލާމިކް މިނިސްޓްރީން ވިދާޅުވީ، ދޮންބޭޒް ޕްރައިވެޓް ލިމިޓެޑާއި ހަވާލުކޮށްގެން އިމާރާތްކުރާ މި މިސްކިތް ނިމްމުމަށް ދެވިފައިވަނީ 365 ދުވަހުގެ މުއްދަތެއް ކަމަށެވެ.
މި މަސައްކަތުގެ އެއްބަސްވުމުގައި މިނިސްޓްރީގެ ފަރާތުން ސޮއި ކުރެއްވީ އިސްލާމިކް މިނިސްޓަރު ޑރ. އަޙްމަދު ޒާހިރު ޢަލީއެވެ.
ދޮންބޭޒް ޕްރައިވެޓް ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އަދި ފުވައްމުލަކު އުތުރު ދާއިރާގެ މެމްބަރު މުޙައްމަދު ރަޝީދެވެ.
މި މަސައްކަތް އެ ކުންފުންޏާއި ހަވާލުކުރި އަގެއް މިނިސްޓްރީން ހާމައެއް ނުކުރައްވައެވެ.
ރާއްޖޭގެ އެކި ރަށްރަށުގައި މިސްކިތް އިމާރާތް ކުރުމުގެ މަޝްރޫޢުތައް އަންނަނީ ހިންގަމުންނެވެ.
Ads by STO
