ހުޅުމާލެ ފޭސް ޓޫގައި 521 މީހުންގެ ޖާަގައިގެ މިސްކިތެއް އަޅަނީ
ހުޅުމާލެ ދެވަނަ ފިޔަވަހީގައި ތިން ފަންގިފިލާގެ ބޮޑު މިސްކިތެއް އެޅުމުގެ އެއްބަސްވުމުގައި އިންޓަނޭޝަނަލް ޗެއިން މޯލްޑިވްސް އާއެކު އާބަންކޯއިން މިއަދު ސޮއިކޮށްފިއެވެ.
މި އެއްބަސްވުމުގެ ދަށުން، އިމާރާތް ކުރުމަށް ހަމަޖެހިފައިވަނީ، އެއްފަހަރާ 521 މީހުންނަށް ނަމާދު ކުރެވޭވަރުގެ ބޮޑު އެ މިސްކިތެކެވެ.
މި މިސްކިތް ބިނާ ކުރާނީ 11،643.74 އަކަފޫޓުގެ ބިމެއްގައެވެ. މިސްކިތް ބިނާ ކުރުމަށް ނިންމާފައި ވަނީ ހުޅުމާލެ ލޮޓު ނަންބަރު، 20243 ގައެވެ.
އެ އެއްބަސްވުމުގައި އާބަނކޯގެ ފަރާތުން ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު، އަހުމަދު އާތިފެވެ. އަދި އިންޓަނޭޝަނަލް ޗެއިން މޯލްޑިވްސްގެ ފަރާތުން ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު، މުހައްމަދު ފަޔާޒެވެ.
އާބަންކޯއިން ހުޅުމާލެ ފޭސް2ގައި މިސްކިތެއް އެޅުމަށް ބަޔަކާ ހަވާލު ކުރިއިރު، ފޭސް2ގެ އާބާދީއާ އެކަށީގެންވާ ވަރަށް އެ ސަރަހައްދުގައި މިސްކިތްތައް ނެތް ކަމުގެ ޝަކުވާ އަކީ ރައްޔިތުންގެ ވަރަށް ބޮޑު ޝަކުވާ އެކެވެ.
