ޗީފް އިންޓަރނަލް އޮޑިޓަރުގެ މަޤާމަށް ޞަލާޙާ
ދައުލަތުގެ މާލިއްޔަތުގެ ގާނޫނުގެ ދަށުން ޗީފް އިންޓާނަލް އޮޑިޓަރުގެ މަޤާމަށް ރައީސް އިބްރާހީމް މުޙައްމަދު ޞާލިޙު ފުރަތަމަ ފަހަރަށް އަންހެން ބޭފުޅަކު ހަމަޖައްސަވައިފިއެވެ.
ރައީސް އޮފީހުން ވިދާޅުވީ މާލިއްޔަތުގެ ޤާނޫނުގެ ދަށުން، ޗީފް އިންޓާނަލް އޮޑިޓަރުގެ މަގާމަށް ހއ. ފިއްލަދޫ، ނިއުސްޓާ ފާތިމަތު ޞަލާޙާ މިދިޔަ ބުރާސްފަތި ދުވަހު ހަމަޖައްސާފައިވާ ކަމަށެވެ. އޭނާ އެ މަޤާމަށް އައްޔަންކުރީ ޑެޕިއުޓީ މިނިސްޓަރުގެ ފެންވަރުގައެވެ.
އޭނާ އެންމެ ފަހުން ހުންނެވީ ފިނޭންސް މިނިސްޓްރީގެ ޗީފް އޮޑިޓް އެގްޒެކެޓިވްގެ މަޤަަމުގައެވެ. އޭގެ ކުރިން ޞަލާޙާ ވަނީ ޓްރޭޑްނެޓް މޯލްޑިވްސް ކޯޕަރޭޝަން ލިމިޓެޑުގައި މެނޭޖަރު، ފައިނޭންސް އެންޑް އެކައުންޓްސް މަޤާމާއި، އޮޑިޓަރު ޖެނެރަލްގެ އޮފީހުގައި ފައިނޭންޝަލް އިންސްޓިޓިއުޝަންސްގެ މެނޭޖަރުގެ މަޤަަމު އަދާކުރައްވާފައި ކަމަށް ރައީސް އޮފީހުން މަޢުލޫމާތުދެއްވައެވެ.
ޞަލާޙާ އަކީ 2014 ވަނަ އަހަރުން ފެށިގެން އިނގިރޭސި ވިލާތުގެ އެސޯސިއޭޝަން އޮފް ޗާޓާޑް ސެޓްފިކެޓްޑް އެކައުންޓެންޓްސް ގެ މެންބަރެކެވެ.
Ads by STO
