މިރޭ މާލޭގައި ހަވާ އަރުވާނެ

މިރޭ ވެރިރަށް މާލޭގައި ހަވާ އަރުވާނެ ކަމަށް އެމްއެންޑީއެފުން ވިދާޅުވެއްޖެއެވެ.

Ads by MWSC

ހަވާ އެރުވުން ކުރިއަށް ގެންދަނީ، އެމްއެންޑީއެފް އިން ވިދާޅުވި ގޮތުގައި، ސިފައިންގެ 131 ވަނަ  އަހަރީ ދުވަހުގެ މުނާސަބަތުގައެވެ.

މިރޭ 8 ޖަހާއިރު ޖުމްހޫރީ މައިދާނުގައި އާއްމުންނަށް ހުޅުވާލައިގެން ބާއްވާ ޑިސްޕްލޭގައި އެމްއެންޑީއެފް މިލިޓަރީ ބޭންޑްގެ ހުށަހެޅުންތައްވެސް އޮންނާނެއެވެ.

އޭގެ އިތުރުން މިއަދުގެ ހަވީރު 4:00 އިން ފެށިގެން މާލޭގެ ބޮޑެތި މަގުތަކުގައި ޝަރަފްގެ ހިނގާލުން އޮންނާނެއެވެ.

އެމްއެންޑީއެފް އިން ވަނީ އަހަރީ ދުވަސް ފާހަގަކުރުމުގެ ގޮތުން މިއަދު ހެނދުނު 6 ޖެހި އިރު ދިދަ ނެގުމުގެ ރަސްމިއްޔާތެއްވެސް ބާއްވާފައެވެ. މި ޚާއްޞަ ރަސްމިއްޔާތު ޝަރަފުވެރިކޮށްދެއްވީ ޑިފެންސް މިނިސްޓަރ މާރިޔާ އަޙްމަދު ދީދީއެވެ.