ދެކުނުގެ ބައެއް އަތޮޅުތަކަށް ހުދު ސަމާލު ނެރެފި

މޫސުން ގޯސްވުމުގެ ސަބަބުން ދެކުނުގެ ބައެއް އަތޮޅުތަކަށް، މޫސުމާ ބެހޭ ޤައުމީ އިދާރާއިން ހުދު ސަމާލު ނެރުއްވައިފިއެވެ.

Ads by STELCO

މިގޮތުން، މެޓް އޮފީހުން ހުދު ސަމާލު ނެރުއްވައިފައިވަނީ ލ.އަތޮޅުން ފެށިގެން އައްޑޫ ސިޓީއާ ހަމައަށެވެ.

އެއީ މިއަދު 12:00 އިން ފެށިގެން 17:00 އަށެވެ.

މެޓް އޮފީހުން ވަނީ އެ ސަރަޙައްދުތަކަށް ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހޭނެ ކަމަށް ލަފާ ކުރައްވައިފައެވެ.

އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށް ލަފާކުރައްވައެވެ. އަދި ކަނޑުތައް ގަދަވެ އުދައަރާނެކަމަށް ވެސް މެޓުން ވިދާޅުވެއެވެ.

މިއީ މޫސުން ގޯސް ދުވަސް ވަރަކަށްވާތީ ހުރިހާ ފަރާތްތަކުން ވެސް މޫސުމަށް ސަމާލުވުމަށް މެޓް އޮފީހުންނާއި ކަމާބެހޭ އެހެން އިދާރާތަކުން ވަނީ އިލްތިމާސްކޮށްފައެވެ.