ސިވިލް ކޯޓާއި ކްރިމިނަލް ކޯޓުގެ އިސް ގާޒީ ކަމަށް ބޭފުޅުން އައްޔަނު ކުރައްވައިފި
ސިވިލް ކޯޓާއި ކްރިމިނަލް ކޯޓުގެ އިސް ގާޒީ ކަމަށް ބޭފުޅުން އައްޔަންކުރައްވައިފިއެވެ.
މިގޮތުން، ސިވިލް ކޯޓުގެ އިސް ގާޒީ ކަމަށް އައްޔަންކުރައްވާފައިވަނީ ގއ. މާމެންދޫ، ފެހިގެ، އަޙްމަދު ނިމާލް ޖުނައިދެވެ.
އޭނާ މި މަޤާމަށް އައްޔަންކުރެއްވީ ސިިވިލް ކޯޓުގެ އިސް ގާޒީގެ ގޮތުގައި އެންމެ ފަހުން ހުންނެވި އަބްދުﷲ ފަނޑިޔާރުކަމުން ރިޓަޔަރ ކުރެއްވުމާ ގުޅިގެންނެވެ.
ކްރިމިނަލް ކޯޓުގެ އިސް ގާޒީ ކަމަށް އައްޔަންކުރައްވާފައިވަނީ ޅ. ހިންނަވަރު، މާތިލަ، އާދަމް މުޙައްމަދެވެ.
އޭނާ މި މަޤާމަށް އައްޔަންކުރެއްވީ ކްރިމިނަލް ކޯޓުގެ އިސް ގާޒީގެ ގޮތުގައި އެންމެ ފަހުން ހުންނެވި އަޙްމަދު ޝަކީލް ހައިކޯޓުގެ ފަނޑިޔާރު ކަމަށް އައްޔަންކުރުމާ ގުޅިގެންނެވެ.
މި ދެ ބޭފުޅުންނަށް ވެސް، މަޤާމުގެ ލިޔުން މިއަދު ހަވާލުކުރެއްވީ ޖުޑިޝަލް ސާވިސް ކޮމިޝަން (ޖޭއެސްސީ)ގެ ރައީސް ހިސާން ޙުސައިންއެވެ.
Ads by STO
