ޕާކިސްތާނުގައި ބަލޫޗިސްތާނުގައި ދިން ހަމަލާއެއްގައި 13 މީހަކު މަރުވެއްޖެ
ޕާކިސްތާނުގެ ހުޅަނގު ދެކުނުގެ ސެކިއުރިޓީ ފެސިލިޓީއަކަށް ދިން ހަމަލާއެއްގައި ސިފައިންނާއެކު 13 މީހުން މަރުވެއްޖެއެވެ.
ބަލޫޗިސްތާނުގެ އުތުރުގެ މުސްލިމް ބާގް ސަރަހައްދުގައި ހުންނަ ފްރޮންޓިއާ ކޯޕްސް ކޭމްޕަކަށް ހަމަލާދީފައިވަނީ ހުކުރު ދުވަހުގެ ފަތިހުގެ ވަގުތެއްގައެވެ. އަސްކަރިއްޔާގެ މީޑިއާ ވިންގް، އިންޓަ ސާވިސަސް ޕަބްލިކް ރިލޭޝަންސް އިން ހޮނިހިރު ދުވަހު ނެރުނު ބަޔާނެއްގައި ބުނެފައި ވަނީ ބަނގުރޫޓުވި މީހުން ސަލާމަތްކޮށް އެ ސަރަހައްދު ހުސްކުރުމުގެ އޮޕަރޭޝަނެއް އަސްކަރިއްޔާއިން ފަށާފައިވާ ކަމަށެވެ.
އެ އޮޕަރޭޝަންގެ މަރުހަލާގައި "މަދުވެގެން ހަ ސިފައިންނާއި އާންމު ރައްޔިތަކު ވަނީ މަރުވެފަ" ކަމަށް އެ ބަޔާނުގައި ވެ އެވެ. އަދި އަންހެނަކާއެކު އިތުރު ހަ މީހަކު ވަނީ ޒަޚަމްވެފައެވެ.
މަރުވި މީހުންގެ ތެރޭގައި ހަމަލާދިން ހަ މީހުންވެސް ހިމެނޭ ކަމަށާއި އެ މީހުންނަކީ ވެސް ވަރަށް ރަނގަޅަށް ހަތިޔާރު އެޅި މީހުން ކަމަށް އަސްކަރިއްޔާއިން ބުނެއެވެ.
"ކޮމްޕްލެކްސް ކްލިއަރެންސް އޮޕަރޭޝަންގައި ރެސިޑެންޝަލް ބްލޮކަކުން ތިން އާއިލާއެއް ސަލާމަތް ކުރުމަށް ޓަކައި ބަނގުރޫޓުވި މީހުން ސަލާމަތް ކުރުމުގެ އޮޕަރޭޝަނެއް ވެސް ކުރިއަށް ގެންދިޔަ. ޓެރަރިސްޓުން އެމީހުންގެ ބިރުވެރި ވިސްނުމުން ވެސް ކުޑަކުދިން ސަލާމަތްކޮށްފައެއް ނުވޭ،" ބަޔާނުގައި ވެ އެވެ.
އަދި ބަލޫޗިސްތާނުގެ ސުލްހައާއި ހަމަޖެހުމާއި ކުރިއެރުމަށް ހުރަސް އެޅުމަށް ކުރާ ހުރިހާ މަސައްކަތެއް ނާކާމިޔާބު ކުރުމަށް ސަލާމަތީ ބާރުތަކުން ތިބީ ގައުމާ އެކު އެޅި ފިޔަވަޅެއްގެ ގޮތުން ކަމަށް އެ ބަޔާނުގައި ވެ އެވެ.
އީރާނާއި އަފްޣާނިސްތާނުގެ ބޯޑަރު އޮންނަ ބަލޫޗިސްތާން ޕްރޮވިންސަކީ ސްޓްރެޓެޖިކް ގޮތުން މުހިންމު ޕްރޮވިންސެކެވެ. އެ ޕްރޮވިންސްގެ ސިޓީތަކަކީ ހަތިޔާރު އެޅި ޖަމާއަތްތަކުގެ އަބަދުވެސް އަމާޒުވާ ސިޓީތަކެކެވެ.
މި ހަމަނުޖެހުންތަކުގެ ބޮޑު ބައެއް ބަލަނީ ޗައިނާގެ ޝިންޖިއާން ޕްރޮވިންސާއި ބަލޫޗިސްތާނުގެ އަރަބި ކަނޑު ގުޅާލުމަށް އެ ސަރަހައްދުގައި ޗައިނާއިން ރާވާފައިވާ އިންވެސްޓްމަންޓް ޕްލޭންތަކަށް ބަޣާވާތްކުރާ ފަރާތްތަކުން މަގުތަކާއި ރޭލުގެ ނެޓްވޯކެއް މެދުވެރިކޮށް ރައްދު ދިނުމުގެ ގޮތުންނެވެ.
ހާއްސަކޮށް 62 ބިލިއަން ޑޮލަރުގެ އިންވެސްޓްމަންޓް ޕްލޭނެއްގެ ދަށުން ޗައިނާއިން ފަށާފައިވާ މަޝްރޫއުތަކުގައި ހަރަކާތްތެރިވާ ފަރާތްތަކަށް އަމާޒުކޮށް ހަމަލާދިނުމަކީ ބަލޫޗިސްތާނުގައި އާންމު ކަމެކެވެ.
ހަތިޔާރު އެޅި ބަޣާވާތް ހުއްޓުވި ކަމަށް ކަމާބެހޭ ފަރާތްތަކުން ބުނަމުން ދިޔަ ނަމަވެސް ހަމަނުޖެހުންތައް ދަނީ ހިނގަމުންނެވެ. ހަމަނުޖެހުން ބޮޑު މި ޕްރޮވިންސަށް ތަހްރީކޭ ތާލިބާން ޕާކިސްތާނާއި އައިއެސްއައިއެލް (އައިއެސް) ގެ ހަތިޔާރު އެޅި ޖަމާއަތުން ވަނީ ހަމަލާތައް ދީފަ އެވެ.
