އަންނަ އަހަރު އިންޑިއާގައި ކުއަޑް ސަމިޓް ބާއްވާނެ: މޯދީ
ކުއާޑް ގެ ނަމުން ނަންދީފައިވާ ސަރަހައްދީ ބާރުތަކުގެ ގްރޫޕްގެ ސަމިޓަށް އަންނަ އަހަރު އެމެރިކާ، އޮސްޓްރޭލިއާ އަދި ޖަޕާން ބޭއްވުމަށް ހަމަޖެހިފައިވާ ކަމަށް އިންޑިއާގެ ބޮޑުވަޒީރު ނަރެންދުރަ މޯދީ ވިދާޅުވެއްޖެ އެވެ.
ޖަޕާނުގެ ހީރޯޝިމާގައި މިހާރު ކުރިއަށްދާ ގްރޫޕް އޮފް ސެވަން ނޭޝަންސް ސަމިޓްގެ ހަވާސާއަށް މި ބައްދަލުވުން ބަދަލުކުރީ އެމެރިކާގެ ދަރަނީގެ ލިމިޓް ބޮޑުކުރުމާ ގުޅޭ ގޮތުން މަޝްވަރާތައް ކުރިއަށް ދާއިރު، އެމެރިކާގެ ރައީސް ޖޯ ބައިޑަން އެނބުރި ވޮޝިންޓަނަށް ވަޑައިގަތުމަށް އޮސްޓްރޭލިއާއަށް ކުރައްވާ ދަތުރުފުޅު ފަސްކުރެއްވުމާ ގުޅިގެންނެވެ.
މިއަހަރުގެ ފަހުކޮޅު ޖީ-20 ސަމިޓް ބޭއްވުމަށް ހަމަޖެހިފައިވާ މޯދީ ވަނީ މި ޖަމާއަތަކީ އިންޑޯ ޕެސިފިކް ސަރަޙައްދުގެ ސުލްހަމަސަލަސްކަމާއި ހަމަޖެހުން ޤާއިމުކުރުމަށް މުހިންމު ޕްލެޓްފޯމެއްކަމަށް ކުއާޑްގެ އަނެއް ތިން ޤައުމުގެ ލީޑަރުންނަށް ވިދާޅުވެފައެވެ.
ކުއާޑްގެ އަމާޒަކީ މިނިވަން، ހުޅުވާލެވިފައިވާ އަދި ރައްކާތެރި އިންޑޯ ޕެސިފިކް ސަރަހައްދެއް ކުރިއަށް ގެންދިއުން ކަމަށް ބައިޑަން ވެސް އެ ބައްދަލުވުމުގައި ވިދާޅުވި އެވެ.
Ads by STO
