މަސްތުވާތަކެތީގެ މައްސަލައެއްގައި ރޭ ފުލުހަށް ހާޒިރު ކުރި މީހަކު ފިލައިފި

މަސްތުވާތަކެތީގެ މައްސަލައެއްގައި ޕޮލިސް ސްޓޭޝަނަށް ހާޒިރު ކޮށްފައި ހުރި މީހަކު ފިލައިފިއެވެ.

Ads by STELCO

މޯލްޑިވްސް ޕޮލިސް ސަރވިސްއިން މިއަދު ވިދާޅުވީ، މަސްތުވާތަކެތީގެ މައްސަލައެއްގައި ރޭ ގއ.ދާންދޫ ޕޮލިސް ސްޓޭޝަންއަށް ހާޒިރު ކޮށްފައި ހުރި މީހަކު، ރޭ 12:57ހާއިރު، ފިލާފައިވާ ކަމަށެވެ.

އަދި އޭނާ ހޯދުމުގެ މަސައްކަތް ކުރަމުން އަންނަ ކަމަށް ވިދާޅުވިއެވެ. ނަމަވެސް މި މައްސަލައިގެ އިތުރު މަޢުލޫމާތެއް ނުދެއްވައެވެ.

ރާއްޖޭގައި މަސްތުވާތަކެތި ބޭނުންކުރާ މީހުންގެ އަދަދު ވަރަށް ބޮޑަށް ވަނީ އިތުރުވެފައެވެ. އަދި އެފަދަ މީހުންނަށް ދެވޭ ފަރުވާގެ ނިޒާމުގައި ގިނަ މައްސަލަތަކެއް ހުރިކަން ކަމާ ގުޅުންހުރި ފަރާާތްތަކުން ފާހަގަކުރައްވައެވެ.