ޙައްޖުގެ އަޅުކަމަށް، މިއަދު މީހުން ފުރަން ފަށާނެ
ރާއްޖެ އިން މި އަހަރު ޙައްޖުގެ އަޅުކަން އަދާ ކުރުމަށް ފުރާ މީހުން، މިއަދު ފުރަން ފެށުމުގެ ހުރިހައި އިންތިޒާމުތަކެއް ހަމަޖެހިފައިވާ ކަމަށް އިސްލާމިކް މިނިސްޓްރީން ވިދާޅުވެއްޖެއެވެ.
މިނިސްޓްރީން ވިދާޅުވި ގޮތުގައި ޙައްޖުވެރިންގެ ފުރަތަމަ ގްރޫޕް ފުރާނީ މިއަދު މެންދުރު ފަހު 3:10 ގައެވެ. މިއަދު 290 މީހުން ފުރުމަށް ހަމަޖެހިފައިވެއެވެނ އެއީ ޙައްޖު ކޯޕަރޭޝަންގެ ހަވާލުގައި ޙައްޖަށްދާ ފުރަތަމަ ގްރޫޕެވެ.
ޙައްޖުވެރިން ފުރުން ކުރިއަށް ދާނީ މި މަހުގެ 19 އާ ހަމައަށެވެ. އިސްލާމިކް މިނިސްޓްރީން ވަނީ ހައްޖުވެރިން ފުރުމާ ގުޅޭ މައުލޫމާތު ސާފުކުރަން ހާއްސަ ހޮޓްލައިނެއް ވެސް ތަޢާރަފު ކުރައްވައިފައެވެ. އެއީ 1433އެވެ.
ޙައްޖު ކޯޕަރޭޝަންގެ އިތުރުން މި އަހަރު ރާއްޖޭން ހައްޖަށް ގެންދަނީ އަމިއްލަ ތިން ގްރޫޕަކުންނެވެ. އެއީ ސިސިލްފަރު ޙައްޖު އެންޑް ޢުމްރާ ގްރޫޕާއި އަލްމަނާސިކްގެ އިތުރުން އަލްޙަރަމައިން ޙައްޖު އެންޑް ޢުމްރާއެވެ. މިއިން ކޮންމެ ގްރޫޕެއްގެ ހަވާލުގައި 90 މީހަކު ހައްޖަށްދާ އިރު، ދެން ތިބި މީހުން ދާނީ ޙައްޖު ކޯޕަރޭޝަންގެ ޙަވާލުގައެވެ.
ރާއްޖެ އަށް މި އަހަރު ލިބުނީ 1،000 ހައްޖު ކޯޓާއެވެ. އަދި މި އަހަރުގެ އަމީރުލް ހައްޖަކީ ނައިނު ރައީސް ފައިސަލް ނަސީމެވެ.
Ads by STO
